Golwg: Siân yn olygydd

Bydd Sian Sutton yn gadael adran materion cyfoes y BBC i olygu Golwg

Mae gan y cylchgrawn materion cyfoes wythnosol Golwg olygydd newydd.

Ar hyn o bryd mae Siân Sutton yn gweithio i adran materion cyfoes y BBC.

Fe fu'n gweithio i orsaf radio Sain Abertawe cyn ymuno â'r BBC a rhaglen newyddion gynta S4C ym 1982.

Mae'n olynu Marc Jones, cyn-gynhyrchydd rhaglenni materion cyfoes y BBC a HTV, sy'n symud i fod yn swyddog cyfathrebu Plaid Cymru yn y gogledd.

Roedd Karen Owen wedi gadael swydd golygydd y cylchgrawn yn gynharach yn y flwyddyn, ar ôl cael swydd cynhyrchydd yn y BBC ym Mangor.

Cafodd y cylchgrawn materion cyfoes wythnosol ei sefydlu yn 1988.