BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Llun, 22 Hydref 2007, 16:01 GMT 17:01 UK
Cytuno i ad-drefnu addysg
Dosbarth (Llun cyffredinol)
Bydd proses ymgynghorol yn cael ei gynnal yn y ddinas

Mae arweinwyr Cyngor Caerdydd wedi penderfynu gofyn am farn y cyhoedd am gynlluniau i ad-drefnu ysgolion y sir.

Fe fydd nifer o gyfarfodydd cyhoeddus yn cael eu cynnal rhwng Tachwedd 5 a Rhagfyr 21.

Ac fe fydd hyn yn gyfle i bobl ddweud eu dweud am y cynlluniau sy'n cynnwys agor trydedd ysgol gyfun Gymraeg yn y ddinas.

Mae mwy na 8,000 o lefydd gwag yn ysgolion y brifddinas.

Mae'r cynlluniau, sy'n werth 115 o filiynau, yn cynnwys codi a buddsoddi mewn ysgolion newydd yn ogystal chyfuno rhai ysgolion.

Symud a chau

Cafodd y cynlluniau ei cyhoeddi gyntaf ym mis Gorffennaf.

Maen nhw'n cynnwys cau tair ysgol gyfun Saesneg yn y ddinas ac agor un newydd.

Fe fyddai Ysgol Uwchradd Llanedern, Ysgol Uwchradd Llanrhymni ac Ysgol Uwchradd Tredelerch yn cau.

Bydd Ysgol Teilo Sant yn symud i safle Ysgol Llanedern a'r ysgol Gymraeg newydd yn cael ei sefydlu ar safle presennol Ysgol Teilo Sant.

Caiff ysgol gyfun newydd Saesneg ei sefydlu ar safle Canolfan Hamdden Dwyrain Caerdydd.

Mae 'na fwriad hefyd i gau dwy ysgol gynradd, Ysgol St Anne a Ysgol Gynradd Cefn Onn.




HEFYD
Ad-drefnu ysgolion gam yn nes
14 Gorff 07 |  Newyddion
Caerdydd: 17 o ysgolion i gau?
06 Ebr 06 |  Newyddion
Ysgolion: Bron 76,000 o leoedd gwag
06 Ebr 06 |  Newyddion
Ad-drefnu: Hysbysu penaethiaid
04 Ebr 06 |  Newyddion
Ysgolion 'i gau' yng Nghaerdydd
02 Ebr 06 |  Newyddion

CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^