BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Gwener, 15 Mehefin 2007, 17:50 GMT 18:50 UK
Cwmni teithio: Protest
Protest at Bangor - picture from Welsh Language Society
Roedd y brotest fwyaf ym Mangor

Mae aelodau Cymdeithas yr Iaith wedi bod yn protestio y tu allan i siopau Thomas Cook ym Mangor a Chaerfyrddin ac yn Stryd y Frenhines yng Nghaerdydd.

Roedd 100 o brotestwyr ym Mangor a 70 yng Nghaerdydd, gan gynnwys yr Aelod Cynulliad Leanne Wood.

Yng Nghaerfyrddin roedd dwsin yn picedu.

Gwisgai rhai o'r protestwyr arwyddion Welsh Not am eu gyddfau tra bod eraill thp ar eu cegau.

Y rheswm am y brotest, meddai'r mudiad, oedd polisi'r cwmni o atal staff rhag siarad Cymraeg wrth drafod materion gwaith.

Protest at Bangor - picture Welsh Language Society
Bydd y protestwyr yn anfon llythyr at gwmni Thomas Cook

Mae'r cwmni wedi cytuno i siarad Bwrdd yr Iaith Gymraeg ac wedi addo na fydd staff yn cael eu cosbi am siarad Cymraeg.

'Nawddoglyd'

Ond mae Cymdeithas yr Iaith wedi dweud fod agwedd y cwmni'n "nawddoglyd" ac wedi gofyn i'r cwmni ymddiheuro i staff a'r gymuned.

Dywedodd Dewi Snelson drefnodd brotest Bangor fod "ymateb pobl ar y stryd yn gadarnhaol".

"Roedd pawb yn barod i arwyddo llythyr o gwyn fydd yn cael ei anfon at y cwmni.

"Ac roedd yr ymateb yn frwd yng Nghaerdydd a Chaerfyrddin."

Polisi iaith

Dywedodd y Bwrdd Iaith eu bod yn gobeithio cyfarfod 'r cwmni'r wythnos nesa.

Mae'r cwmni wedi cytuno trafod datblygu eu polisi iaith yn y gweithle gyda Bwrdd yr Iaith a'r Comisiwn Cydraddoldeb Hiliol.

Roedd y ddau gorff statudol wedi croesawu penderfyniad y cwmni i drafod "sut orau i ddatblygu arferion da yn y maes hwn".





Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^