BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Llun, 7 Mai 2007, 11:21 GMT 12:21 UK
Pleidiau i drafod y cam nesaf
Rhodri Morgan ar l bwrw ei bleidlais
Methodd Llafur a sicrhau mwyafrif o seddi yn y Cynulliad newydd.
Mae lliw gwleidyddol llywodraeth newydd y cynulliad yn parhau'n ansicr wrth i'r gwahanol bleidiau drafod y posibilrwydd o gydweithio.

Llafur yw'r blaid fwyaf gyda 26 sedd, ond maen nhw angen cefnogaeth un o'r pleidiau eraill er mwyn sicrhau mwyafrif yn y siambr 60 aelod.

Mae yna anghytundeb o fewn y Democratiaid Rhyddfrydol, sydd a chwe sedd, ynglŷn 'r posibilrwydd o ffurfio clymblaid ffurfiol.

Bydd Plaid Cymru a'r Ceidwadwyr hefyd yn asesu teimladau eu cefnogwyr cyn i'r cynulliad newydd eistedd am y tro cyntaf ddydd Mercher.

Bydd 26 aelod Llafur yn cynnal cyfarfod ddydd Mawrth i benderfynu ar eu cam nesaf.

Dywedodd Huw Lewis, AC Llafur Merthyr a Rhymni, fod yn rhaid i'w blaid gymryd gofal cyn gwneud unrhyw benderfyniad.

"Mae Cymru angen llywodraeth sefydlog ac mae'n rhaid gweithio tuag at y nod hwnnw."

Dywedodd na allai ef yn bersonol fod yn rhan o lywodraeth fyddai'n cynnwys gweinidogion o Blaid Cymru.

Trefniant anffurfiol

Ond mae amheuaeth a fyddai'r Democratiaid Rhyddfrydol yn fodlon ffurfio clymblaid gyda Llafur.

Mae nifer o aelodau amlwg o fewn y blaid wedi dadlau yn erbyn hynny.

Yn l arweinydd Plaid Cymru, Ieuan Wyn Jones, byddai trefniant anffurfiol yn bosibilrwydd.

Ei blaid ef, gyda 15 sedd, yw ail blaid fwyaf y Cynulliad.

Mae sylwebyddion yn credu y byddai'n anhebygol i'r gwrthbleidiau ffurfio Llywodraeth glymblaid na fyddai'n cynnwys Llafur.

Yn l Alun Cairns o'r Ceidwadwyr mai clymblaid o'r fath yn bosib ond yn llai tebyg.

Mae'n rhaid i'r llywodraeth newydd gael ei ffurfio erbyn Mai 24.


Etholiad Y Cynulliad

CANLYNIADAU'R CYNULLIAD

Plaid Eth. Rhan. +/- Cyf
Ar l cyhoeddi 60 o'r 60 sedd
Llaf 24 2 -4 26
Plaid Cymru 7 8 +3 15
Ceid 5 7 +1 12
DemRh 3 3 0 6
Erill 1 0 0 1
DIWEDDARA

Vaughan Roderick Vaughan Roderick
Sylwadau dyddiol a deifiol am ymgyrch y pleidiau


Cymru Y Canlyniadau
Y manylion yn llawn o bob etholaeth a rhanbarth

CEFNDIR

SEDDI ALLWEDDOL
 
ETHOLAETHAU CYMRU
 

YR ARWEINYDDION
 

CYSYLLTIADAU RHYNGRWYD
 
Dyw'r BBC ddim yn gyfrifol am gynnwys safleoedd allanol



Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^