Law yn cadw sedd Blaenau Gwent

Trish Law yn cael ei hethol yn aelod dros Flaenau Gwent

Mae'r ymgeisydd annibynnol Trish Law wedi cael ei hethol yn aelod cynulliad dros Flaenau Gwent.

Bu Mrs Law yn aelod yn y cynulliad blaenorol ar ôl ennill isetholiad y llynedd ar ôl marwolaeth ei gŵr, Peter Law.

Derbyniodd Mrs Law 12,722 pleidlais gyda'r ymgeisydd Llafur, Keren Bender yn ail gyda dros 7,000 pleidlais.

Roedd y Democratiaid Rhyddfrydol yn drydydd, Plaid Cymru yn bedwerydd a'r Ceidwadwyr yn bumed.

Blaenau Gwent oedd sedd mwya diogel Llafur yng Nghymru.

Cafodd Mrs Law 5,357 o fwyafrif gyda 54.1% o'r bleidlais.

Diolchodd Mrs Law i'w chefnogwyr wrth gael ei hethol i Fae Caerdydd ac i'r ymgeiswyr am "ymgyrch lan".

"Mae pobl Blaenau Gwent wedi anfon neges i'r prif bleidiau gwleidyddol bod angen rhoi pobl o flaen gwleidyddiaeth.

"Cafodd Rhodri Morgan hi'n anghywir unwaith eto pan ddywedodd mai pleidlais o gydymdeimlad gefais i yn yr isetholiad.

"Fe wnes i ymladd yr etholiad yma ar fy record bersonol ac mae pobl Blaenau Gwent wedi dangos hyder yndda i."