Hen ffilmiau a gwefr newydd

Nod y ganolfan yw creu canolbwynt i'r rhai sydd â diddordeb yn nhreftadaeth yr ardal

Mae tair hen ffilm yn cael eu dangos yr wythnos hon, gan gynnwys Llygaid Coch gafodd ei chynhyrchu gan y newyddiadurwr John Roberts Williams.

Yng Nghanolfan Hanes Uwchgwyrfai y mae'r ffilmiau'n cael eu dangos, yng Nghlynnog Fawr ger Caernarfon nosweithiau Llun, Mawrth a Mercher am 7.30pm.

"Cafodd y cynulleidfaoedd eu gwefreiddio gan wyrth y lluniau'n symud ar y sgrîn - yn enwedig eu lluniau eu hunain," meddai cadeirydd y ganolfan Geraint Jones.

"Ond yr hyn sy'n nodedig yw bod y ffilmiau'n llawn mor ddiddorol i ni ag yr oedden nhw i'r oes a fu."

Darllenwch y stori lawn