BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Llun, 12 Mawrth 2007, 07:00 GMT
60 Cymru - Canolbarth a Gorllewin
Map o Gymru

Mae ymgyrch Etholiadau'r Cynulliad ar fin cychwyn go iawn. Gyda 60 o seddi ar draws Cymru, mae'r pleidiau gwleidyddol am berswadio pobl i bleidleisio ar Fai 3.

Mae BBC Cymru wedi dod o hyd i'w grŵp ei hunan o 60 - 60 Cymru - grŵp o etholwyr cyffredin o bob cwr o Gymru, fydd yn rhan o sylw'r BBC ar yr etholiadau.

Ymhlith y 60 sydd wedi'u dewis mae 'na amrediad o safbwyntiau gwleidyddol, pleidleiswyr am y tro cyntaf, myfyrwyr, gweithwyr archfarchnadoedd, cyn-filwr, diffoddwr tān, nyrs a phensiynwyr.

Fe fyddan nhw'n chwarae'u rhan drwy roi eu barn ar nifer o bynciau sy'n eu corddi a heb amheuaeth fe ddaw'r pynciau mawr i'r amlwg; iechyd, gwaith, addysg a datganoli.

Mae'r 60, fel gweddill yr etholwyr, am gael atebion i'r cwestiynau mawr cyn Mai 3.


  • JOHN ABEL JONES

    John Abel Jones
    John Abel Jones

    OEDRAN: 53

    CARTREF: Llanbedr Pont Steffan

    GWAITH: Marchnata da byw

    MATERION: Iechyd, addysg a swyddi. Mae'n arbennig o bryderus bod Llanbedr Pont Steffan yn ardal sy'n marw, a hoffai weld rhywbeth yn cael ei wneud i fynd i'r afael ā hyn. Mae ganddo deimladau cymysg ynglŷn ā'r cynulliad a llwyddiant datganoli.


    GBUBEMI AMAS AMANORITSEWOR

    Gbubemi Amas Amanoritsewor
    Gbubemi Amas Amanoritsewor

    OEDRAN: 51

    BYW: Cross Hands

    GWAITH: Ymgynghorydd Celf

    MATERION: Wedi dychryn am y gagendor rhwng y tlawd a'r cyfoethog yn Abertawe. Hoffai weld mwy o bwyslais ar gyfleoedd cyfartal i bobl ddu yng Nghymru yn ystod 200 mlynedd diddymu caethwasiaeth.


    PAUL FAGG

    Paul Fagg
    Paul Fagg

    OEDRAN: 76

    CARTREF: Pwllheli, Pen Llŷn

    GWAITH: Wedi ymddeol

    MATERION: Dyw ef erioed wedi'i ganfasio gan unrhyw ymgeisydd gwleidyddol ers symud i Bwllheli. Mae e wedi dechrau teimlo bod yr hyn sy'n digwydd ym Mae Caerdydd yn "gwbl ddatgysylltiedig" o fywyd yn Llŷn.


    JULIE FARRINGTON

    Julie Farrington
    Julie Farrington

    OEDRAN: 46

    CARTREF: Aberystwyth

    GWAITH: Artist gwydr lliw

    MATERION: Mae lefelau twristiaeth, a pholisi twristiaeth y llywodraeth yng Nghymru yn ei phoeni gan fod ei busnes yn dibynnu arno. Mae'n feirniadol o'r polisi ar yr iaith Gymraeg ac mae'n teimlo bod y sefyllfa gyda deintyddion y gwasanaeth iechyd yn affwysol.


    LOUISE HUGHES

    Louise Hughes
    Louise Hughes

    OEDRAN: 44

    CARTREF: Llanegryn

    GWAITH: Mam llawn amser

    MATERION: Dywed Louise mai'r brif flaenoriaeth yn ei hardal yw diffyg cyfleoedd swyddi. Mae hi'n dweud bod hyn yn arwain at dlodi a bod Tywyn, y dref agosā, yn dioddef oherwydd diffyg buddsoddi. Materion eraill sy'n achosi pryder iddi yw bod pethau'n cau - mae'r ysgol leol dan fygythiad. Mae hi hefyd yn poeni am gau swyddfeydd post ac ysbytai. Mae prisiau tai cynyddol yn ardaloedd cefn gwlad Cymru hefyd yn broblem, meddai.


    SUSAN HUNT

    Susan Hunt
    Susan Hunt

    OEDRAN: 58

    CARTREF: Llanfyllin

    GWAITH: Athrawes ysgol uwchradd yn Y Trallwng

    MATERION: Addysg, darpariaeth iechyd a gofal i'r henoed yw'r pynciau sy'n ei phoeni'n bennaf. Dywed hefyd bod ganddi deimladau cryfion ynglŷn ā materion amgylcheddol a'r her y mae cynhesu byd-eang yn ei osod. Dywed Susan y byddai'n hoffi talu am ei phresgripsiynau - fel y gall eraill fanteisio ar yr arian ychwanegol.


    CLAIRE LEWIS

    Claire Lewis
    Claire Lewis

    OEDRAN: 20

    CARTREF: Rhaeadr/Aberystwyth

    GWAITH: Myfyrwraig yn Aberystwyth

    MATERION: Dywed fod ganddi ddiddordeb mewn polisļau addysg yn gyffredinol ac mewn addysg bellach gan y bydd hi'n hyfforddi fel athrawes cyn hir. Mae am weld beth sydd gan y pleidiau i'w gynnig o ran polisi tai gan ei bod yn gobeithio setlo yn y dyfodol agos


    GERAINT LLOYD

    Geraint Lloyd
    Geraint Lloyd

    OED: 31

    CARTREF: Llanelli

    GWAITH: Peiriannydd meddalwedd

    MATERION: Fe ddylai mwy gael ei wneud dros yr iaith Gymraeg, ysgolion bach, trafnidiaeth gyhoeddus a'r gwasanaeth iechyd. Mae o'n bryderus am y ddarpariaeth ar gyfer costau gofal plant.


    IAN MOORE

    Ian Moore
    Ian Moore

    OEDRAN: 60

    CARTREF: Llechfaen, Aberhonddu

    GWAITH: Rhedeg ei fusnes golchi dillad ei hun

    MATERION: Er roedd Ian yn amheus a fyddai Cynulliad Cenedlaethol yn gweithio, erbyn hyn mae wedi dod i gredu ei fod yn bwysig bod pobl Cymru yn ymwneud yn uniongyrchol ā'r ffordd y mae'r wlad yn cael ei llywodraethu


    OWAIN PHILLIPS

    Owain Phillips
    Owain Phillips

    OEDRAN: 19

    CARTREF: Llanelli

    GWAITH: Myfyriwr yn Aberystwyth

    MATERION: Yn poeni am effaith ffioedd myfyrwyr a Deddf Llywodraeth Cymru. Mae Owain yn lled-gefnogol i bwerau newydd y Cynulliad ond mae'n credu y bydd gan San Steffan ormod o ddylanwad ar wleidyddiaeth Cymru o hyd


    ANDY RINVOLUCRI

    Andy Rinvolucri
    Andy Rinvolucri

    OEDRAN: 24

    CARTREF: Llanbedr Pont Steffan

    GWAITH: Gofalwr personol ar gyfer pobl anabl

    MATERION: Cyfartaledd a hawliau pobl anabl sy'n ei boeni. Hoffai yn arbennig weld gwleidyddion yn fwy ymwybodol o'r rhai sydd a sawl anabledd gan gynnwys problemau iechyd meddwl. Byddai hefyd yn hoffi gweld mwy o gyfle cyfartal i bobl hoyw.


    MARGARET TEARE

    Margaret Teare
    Margaret Teare

    OEDRAN: 58

    CARTREF: Llanbrynmair

    GWAITH: Garddwraig fasnachol wedi ymddeol

    MATERION: Mae'n poeni am nifer o faterion gan gynnwys Bwrdd yr Iaith Gymraeg, gofal i'r henoed, cefnogaeth i gymunedau Cymraeg, gwasanaeth meddygon y tu allan i oriau swyddfa a Gwasanaeth Ambiwlans Cymru





  • CYSYLLTIADAU RHYNGRWYD:
    Dyw'r BBC ddim yn gyfrifol am gynnwys safleoedd rhyngrwyd allanol


    Gwasanaethau ebost | ticer newyddion | Amodau Defnyddio | Preifatrwydd a Chwcis


    Yn ôl i'r brig ^^