2005-6: 415 o staff academaidd yn dysgu drwy gyfrwng y Gymraeg
|
Mae ystadegau'n dangos bod mwy o Gymraeg yn cael ei defnyddio mewn sefydliadau addysg uwch yng Nghymru.
Yn ôl ystadegau Llywodraeth y Cynulliad ar gyfer 2005-06 roedd cynnydd o 6.5% yn nifer y myfyrwyr o Gymru mewn sefydliadau addysg uwch sy'n cael peth o'u haddysg drwy gyfrwng y Gymraeg.
Mae'r cynnydd yn rhannol oherwydd mwy o staff academaidd sy'n dysgu drwy gyfrwng y Gymraeg.
Yn 2005-06 roedd 415 o staff academaidd yn dysgu drwy gyfrwng y Gymraeg.
Mae'r cynnydd oherwydd cyllid ar gyfer addysgu drwy gyfrwng y Gymraeg drwy ysgoloriaethau a chymrodoriaethau.
'Calonogol'
Dywedodd Carwyn Jones, y Gweinidog dros Addysg, Diwylliant a'r Gymraeg: "Mae'r ystadegau'n galonogol iawn.
"Ac maen nhw'n dangos yn glir ein bod ni'n dechrau gweld gwrthdroi'r gostyngiad mewn addysgu drwy gyfrwng y Gymraeg ym maes addysg uwch."
Hyd yn hyn, meddai, roedd rhyw £5 miliwn wedi eu clustnodi ar gyfer rhoi ar waith argymhellion adroddiad grŵp llywio cyfrwng Cymraeg Cyngor Cyllido Addysg Uwch Cymru.
Home
