BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Gwener, 24 Tachwedd 2006, 07:29 GMT
Clod i blisman am ddysgu Pwyleg
Keith Sinclair gydag Irina Almeida
Mae gwaith Keith Sinclair yn ymwneud siarad gyda'r gymuned

Cafodd plisman ei anrhydeddu am weithio gyda mewnfudwyr i'r gymuned yn Wrecsam.

Fe wnaeth y cwnstabl Keith Sinclair ddod yn ail yng Ngwobrau Blynyddol i Swyddogion Cymunedol.

Dysgodd Mr Sinclair Bwyleg er mwyn cynorthwyo'r berthynas gyda'r mewnfudwyr.

Cafodd ei gymeradwyo am ddysgu'r iaith gan wneud yn siŵr nad oedd y mewnfudwyr yn teimlo'n unig.

Dysgodd yr iaith ac ymweld Gwlad Pwyl yn ei amser hamdden.

"Mae o wedi gweithio'n galed i ddatblygu'r iaith ac mae'n hynod o werthfawr i'r gymuned ac i'r heddlu," meddai pennaeth rhanbarthol yr heddlu, y Prif Arolygydd Phill Thomson.

Seremoni

Cafodd Mr Sinclair ei wobr mewn seremoni yn Llundain nos Iau.

Roedd 117 o swyddogion wedi cael eu henwebu o 46 o luoedd ar draws Cymru, Lloegr a Gogledd Iwerddon.

Mae 'na amcangyfri bod 10,000 o Bwyliaid yn byw yn Wrecsam.

Cymaint ydi'r nifer sy'n byw yno mae'r heddlu yn ystyried penodi swyddogion Pwyleg.

Mae Mr Sinclair yn annog y Pwyliaid i gysylltu ag o gyda'u problemau.

Llwyddodd drwy ei gysylltiadau i ganfod nifer o bobol gyda chysylltiad throseddau yng Ngwlad Pwyl.

"Er mwyn dysgu iaith yn iawn rhaid rhoi'r ymdrech," meddai.

"Dwi'n astudio am o gwmpas dwy awr y dydd."




CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^