BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mercher, 14 Mehefin 2006, 05:48 GMT 06:48 UK
Glyndwr: Disodli cerflun 'anaddas'
Cerflun Owain Glyndŵr
Rhai'n anfodlon: Yr hen gerflun

Er bod cerflun un o arwyr Cymru yng nghanol tref ers sawl blwyddyn, bydd yn cael ei ddisodli gan gerflun newydd gwerth 100,000.

Ac mae angen lleoliad newydd ar hen gerflun Owain Glyndŵr yng Nghorwen.

Mae'r cyngor cymuned yn gobeithio y bydd rhywun yn cynnig lle anrhydeddus iddo gan y bydd cerflun newydd yn ei le o fewn misoedd.

"Mae wedi cyflawni ei bwrpas," meddai Gerallt Tudor o Gyngor Bro Corwen.

"Mae cerflun gwell mwy drudfawr, mwy tywysogaidd, yn mynd i ddod yn ei le a gobeithio y bydd yn plesio'r mwyafrif o bobl Cymru."

Mae'r cerflun presennol, a gafodd ei ddadorchuddio ym 1995, wedi cael ei feirniadu am flynyddoedd.

'Ddim yn deilwng'

"Dydi'r bychan (y cerflun) ddim yn deilwng o'r gŵr ...," meddai Ariel Evans, cyn-brifathro Ysgol Caer Drewyn yng Nghorwen.

"Hen, hen ŵr musgrell ydy hwn ... mae'n siwr bod ein harwr ni yn fwy tebyg i filwr oedd yn ymladd yn gadarn."

Bellach mae 100,000 wedi eu casglu i godi cerflun newydd ac mae disgwyl y bydd yn barod erbyn Medi.




HEFYD
Dadorchuddio 'cleddyf Glyndwr'
06 Mai 04 |  Newyddion
Cyhoeddi dathliadau Glyndwr
04 Ion 04 |  Newyddion
Darganfod rhan o gastell Glyndwr
29 Ebr 03 |  Newyddion
Cyhoeddi stamp brwydr Glyndwr
15 Meh 04 |  Newyddion


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^