BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Iau, 11 Mai 2006, 06:49 GMT 07:49 UK
Hysbysebion Cymraeg Coca Cola
Coca Cola
Fe fydd y cwmni'n hysbysebu'n Gymraeg

Am y tro cyntaf fe fydd hysbysebion noddwyr gemau ail-gyfle y Gynghrair a'r Bencampwriaeth Bl-Droed yn Gymraeg.

Fe fydd y gemau yn cael eu chwarae yn Stadiwm y Mileniwm yng Nghaerdydd ddiwedd y mis.

Ymgyrch i dynnu sylw a chreu tipyn o hwyl yw nod cwmni Coca Cola wrth gyfieithu caneuon cefnogwyr timau pl-droed o Loegr i'r Gymraeg.

Mae Bwrdd yr Iaith Gymraeg yn croesawu'r cam gan ddweud bod ymgyrch hysbysebu o'r fath yn hwb i'r iaith o fewn y sector breifat.

Yr unig dm o Gymru sydd chyfle i fod yn y gemau ddiwedd y mis yn Stadiwm y Mileniwm ydi Abertawe wrth iddyn nhw geisio am ddyrchafiad i'r bencampwriaeth.

Fe fydd hysbysebion y noddwyr - Coca Cola - yn Gymraeg a Saesneg.

Cyfiethu

Ymhlith y rhain y mae hysbysebion papur newydd yn cynnwys caneuon pl-droed timau o Loegr wedi'u cyfieithu.

Cwmni cyfieithu 'Posib' o Sir y Fflint oedd wedi gwneud y gwaith cyfieithu ar ran Coca Cola drwy gwmni Mother Tongue o Lundain.

Watford
Watford ydi un o'r timau sydd eisoes wedi sicrhau eu lle yng Nghaerdydd

"Maen nhw wedi gofyn i ni gyfieithu caneuon pl-droed na fyddwch chi ddim yn eu cyfiethu," meddai un o reolwyr Posib, Dorothy Roberts.

"Fe wnaethon ni godi'r cwestiwyn ar y pryd pa mor ddoeth oedd eu cyfiethu nhw.

"Ond fe wnaethon nhw egluro mai'r cyfan oedden nhw eisiau oedd tynnu sylw'r di-Gymraeg bod y gemau yn cael eu chwarae yng Nghaerdydd, ac y dylen nhw ddefnyddio'r Gymraeg.

"Dwi'n meddwl bod hynny yn rhywbeth calonogol iawn."

Mae hi'n dweud bod agwedd cwmnau mwy at hysbysebu trwy gyfrwng y Gymraeg yn newid.

"Erbyn hyn mae mwy a mwy o gwmnau mawr preifat yn sylweddoli bod defnyddio'r Gymraeg yn gallu gwneud byd o les i'w cwmni nhw," ychwanegodd Mrs Roberts.

Ond dyw rheolwraig hysbebion cylchgrawn Golwg ddim yn cytuno.

Yn l Mary Davies mae hyd yn oed yn galetach denu'r cwmnau mawr i hysbysebu'n Gymraeg erbyn hyn.

"Ar hyn o bryd does neb o'r cwmnau mawr yn hysbysebu gyda ni," meddai.

Newid

"Fe fuodd cwpl rhai blynyddoedd yn l ond mae ateb ganddyn nhw bob tro pan fyddwn ni'n cysylltu gyda nhw.

"Maen nhw'n dweud eu bod yn edrych ar y ffigyrau faint sy'n siarad Cymraeg a faint mae'n mynd i gostio i greu rhywbeth Cymraeg ond dydyn nhw ddim yn sylweddoli'r gwerth ychwaneol i ddefnyddio'r iaith yng Nghymru."

Dywedodd Bwrdd yr Iaith ei fod yn newyddion gwych bod cwmni rhyngwladol fel Coca Cola wedi sylweddoli gwerth hysbysebu drwy gyfrwng y Gymraeg.

Yn l Ifan Evans, sy'n gofalu am y sector breifat i'r Bwrdd, gallwn ni ddisgwyl rhagor o hysbysebu gan gwmnau tebyg yn y dyfodol.

"Mae'n gynyddol amlwg bod defnyddio'r Gymraeg yn nodwedd o ansawdd ac yn tynnu sylw ac yn rhoi arbenigedd o fath naill a'i i ymgyrch hysbysebu unigol neu i ryw fath o frand ac adeiladu delwedd ar gyfer cynnyrch," meddai.

"Mae'r bwrdd newydd gyhoeddi stategaeth ar gyfer y sector breifat sy'n ymdrin hyn."

Gwnewch bopeth yn Gymraeg meddai'r hen slogan ond faint fyddai'n dymuno canu caneuon Cymraeg i gefnogi timau Lloegr?




CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^