BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Sadwrn, 30 Gorffennaf 2005, 08:41 GMT 09:41 UK
O Diar! Prinder tocynnau
Porc Peis Bach
Dyma fydd ymddangosiad ola' criw Porc Peis Bach

Mae'r ymateb i un o'r dramu fydd i'w gweld yn ystod yr Eisteddfod Genedlaethol yn Eryri wedi bod yn "wych".

Cafodd pob tocyn ar gyfer perfformiadau gyda'r nos o'r ddrama "O! Diar Drama Lwyfan Porc Peis Bach" eu gwerthu allan wythnos cyn yr Eisteddfod.

Dyma addasiad llwyfan gan greawdwr Porc Peis a Porc Peis Bach, Wynford Ellis Owen.

Mae'r sioe, sydd yn Theatr Gwynedd o nos Sadwrn tan Awst 6, wedi ei chyfarwyddo gan Valmai Jones a'i chynllunio gan Emyr Morris-Jones.

Dyma'r tro olaf y bydd Porc Peis yn cael ei gyflwyno gyda'r cast yn addo peidio siomi!

Theatr Bara Caws a Chwmni Cambrensis sy'n gyfrifol am y sioe.

Mae Wynford Ellis Owen wedi ysgrifennu ac actio mewn chwe chyfres am hynt a helynt trigolion pentref Llanllewyn yng nghefn gwlad Cymru'r 1950au a'r 1960au.

Sioe ychwanegol

"Rwy' wrth fy modd yn clywed bod cymaint yn mwynhau'r gyfres a bod nifer o'n atgofion personol i fel plentyn yn gallu apelio at gynifer o bobl yng Nghymru," meddai Wynford Ellis Owen.

Dywedodd bod yr ymateb i ymddangosiad olaf y cast gyda'i gilydd wedi bod yn "wych" gyda phob tocyn wedi gwerthu allan ar gyfer sioeau y nos.

"Rydyn ni wedi ychwanegu un sioe arall i brynhawn ddydd Iau ac mae rhai tocynnau ar l ar hyn o bryd," meddai llefarydd ar ran Theatr Gwynedd.

"Dwi'n meddwl taw atyniad y ddrama yw ei bod ar y teledu ac yn boblogaidd iawn gyda phlant ac mae'r rhan fwyaf o docynnau wedi cael eu gwerthu i blant."

Ar l ychydig o broblem gyda ir golledig, mae'r sioe yn addo bod yn llwyddiant mawr, gan ddenu nifer o blant ac oedolion i'r theatr.

Yn y cyfamser bydd Wynford Ellis Owen yn trafod y gyfres a'r ddrama yn Theatr y Maes am 1430 ddydd Sul ac ar stondin S4C am 1300 ddydd Llun.





ERYRI A'R CYFFINIAU 2005

O'R MAES

GAN CYMRU'R BYD

CEFNDIR

YR ORSEDD

O'R ARCHIF

ORIELAU

GWEFAN


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^