BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Iau, 7 Gorffennaf, 2005, 06:17 GMT 07:17 UK
Beirdd a Bollywood yn Llangollen
Dawnswyr Capoeira Norte
Mae dawnswyr o'r traddodiad Capoeira o Frasil yn cymryd rhan
Mae'r naws yn wahanol ar faes Eisteddfod Ryngwladol Llangollen ddydd Iau pan mae rapwyr, hip-hopwyr a dawnswyr gwerin y stryd yn ceisio denu cynulleidfa ifanc.

Menter newydd yw cynnal diwrnod i bobl ifanc yn yr Eisteddfod sy'n enwog am ddathlu cerddoriaeth werinol draddodiadol.

Am y tro cyntaf mae disgyblion ysgolion uwchradd mewn gweithdai gyda cherddorion cyfoes.

Ar dri llwyfan ar y maes mae perfformwyr o bedwar ban byd yn dathlu dawns, cerddoriaeth a chanu gwerin.

Mae 1,600 o docynnau eisoes wedi'u gwerthu i'r gweithdai sy'n dysgu sgiliau fel arlunio ar furiau.

Ymhlith y rhai sy'n cymryd rhan y mae criw o Ysgol y Moelwyn, Blaenau Ffestiniog sy hefyd yn cefnogi un o fandiau ifanc y dref, Llan Clan, yng nghystadleuaeth Brwydr y Bandiau.

Hip Hop

"Dyma'r tro cyntaf i ni fynd i Eisteddfod Llangollen," meddai'r prifathro Dewi Lake.

"Mae'n gyfeiriad gwahanol ond mae'n sicr o apelio at bobl ifanc."

MC Saizmundo
Bydd MC Saizmundo yn cynnal gweithdai rap yn ystod y dydd

Bydd wynebau cyfarwydd o Gymru, gan gynnwys y rapiwr MC Saizmundo, yno

Ond hefyd bydd dawnswyr o Frasil yn dangos y dull Capoeira, ffurf ar grefft ymladd a darddodd o brofiad caethweision De America.

Bydd dawnswyr stryd a rhai yn dangos traddodiad ffilmiau Bollywood a band chwythbrennau y Kwa Natal Zulu o Durban yn Ne Affrica.

"Mae hi'n anoddach denu pobl ifanc i'r eisteddfod," meddai Clare Williams, cydlynydd y diwrnod.

"Felly rydym yn dathlu diwylliant gwerinol trefol er mwyn apelio atyn nhw," meddai Clare Williams, cydlynydd y diwrnod.

"Rydym yn cadw holl agweddau'r sīn gwerin yn fyw ac yn cydnabod fod lle i draddodiad gwerin sy'n apelio at bawb."

Bydd tocynnau ar gael i'r maes ac i'r gweithdai ddydd Iau.




HEFYD:
Dawnswyr yn protestio dros fisas
06 Gorff 05 |  Newyddion
Cymry: 'Ehangwch eich gorwelion'
09 Chwef 05 |  Newyddion
Llangollen: Yr hen a'r newydd
05 Gorff 05 |  Newyddion
Mudiad i adfywio Llangollen
13 Ion 05 |  Newyddion


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^