Prifysgol: Ystyried symud campws

Mae dau argymhelliad yn canolbwyntio ar ddatblygu'r campws presennol

Mae Prifysgol Cymru Abertawe yn ystyried gadael ei safle yn y ddinas fel rhan o'i chynllun i ehangu.

Byddai symud i Felindre neu ddatblygiad Llynnoedd Delta yn Llanelli yn un o'r tri opsiwn sydd wedi ei gyflwyno gan arbenigwyr a gomisiynwyd gan y brifysgol.

Mae'r ddau gynnig arall yn canolbwyntio ar ddatblygu'r campws yn Singleton, opsiynau sy'n cael eu ffafrio gan y brifysgol yn ôl yr arbenigwyr.

Roedd yr adroddiad hefyd yn dweud y byddai angen mwy o le ar y brifysgol yn y dyfodol.

Mae'r adroddiad gafodd ei gomisiynu gan dîm ymgynhori Actium yn archwilio "datblygiad strategol y dyfodol" - wedi cyhoeddi tri argymhelliad:

• Ailddatblygu Tŷ Fulton a Tŷ'r Undeb
• Ailddatblygu'r safle rhwng y neuaddau preswyl ac Ysbyty Singleton ac ailddatbylgu Tŷ Fulton
• Lleoliad arall yn lle campws Singleton

Mewn datganiad ddydd Llun dywedodd y brifysgol bod angen campws fyddai'n cyfateb â'i anghenion yn y dyfodol.

"Mae datblygiad y brifysgol a'r cynnydd yn y nifer o fyfyrwyr sydd am ddod i'r coleg wedi rhoi pwysau ar ein adnoddau a mae angen mwy o le arnom," meddai'r datganiad.

Ond dywedodd llefarydd ar ran y brifysgol ei fod yn "rhy gynnar i drafod pethau'n bendodol".