BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Gwener, 4 Mawrth, 2005, 08:57 GMT
Pryderon am waith sment
Ffatri Castle Cement
Mae Castle Cement yn disgwyl am ganlyniadau ail-brawf ar ollyngiadau o'r odyn

Mae gwaith sment yn Sir y Fflint wedi gorfod cau un o'i odynau oherwydd pryderon am effeithiau ar yr amgylchfyd.

Bydd ymchwiliad pellach yng ngwaith Castle Cement yn Padeswood, ger yr Wyddgrug, i ddarganfod pam bod gollyngiadau diocsinau yn uwch na'r terfynau.

Mae Asiantaeth yr Amgylchfyd wedi gorfodi Castle i roi gorau ar gynhyrchu sment yn Odyn 3 yn y ffatri.

Ni fydd yn cael ail-gychwyn yr odyn nes i'r cwmni brofi bod modd gweithredu o fewn terfynau sydd wedi eu gosod gan yr Asiantaeth.

Mae'r awdurdod hefyd yn gofyn am fanylion am sut y bydd Castle yn sicrhau eu bod yn cadw at gytundebau ei drwydded.

Yn yr haf, mae disgwyl i'r cwmni gychwyn gwaith profi ar math newydd o odyn ar y safle.

Mi fydd yn llosgi nifer o danwyddau gan gynnwys toddyddion gwastraff, paent a theiars.

Cadarnhaodd Castle Cement y bydd Odyn 3 wedi cau nes bydd canlyniadau ail brawf ar gael.




HEFYD:


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^