BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mercher, 16 Chwefror, 2005, 10:26 GMT
Llong ganoloesol: Poeni am gost
Newport's medieval ship
Cafodd gweddillion y llong eu canfod gan adeiladwyr

Mae angen arian tymor hir i gynnal y llong ganoloesol a gafodd ei darganfod mewn mwd yn afon Wysg, meddai Cyngor Casnewydd.

Mewn stordy yn y ddinas mae cannoedd o ddarnau o'r llong yn cael eu cadw mewn dŵr gln.

Ond dywedodd y cyngor ei fod yn poeni oherwydd bod angen 300,000 bob blwyddyn i gynnal a chadw'r llong yn y tymor hir.

Mae arweinwyr y cyngor wedi dweud ei fod am ddechrau trafod Llywodraeth y Cynulliad ac y bydden nhw'n ystyried pob opsiwn.

Gallai fod yn 10 mlynedd hyd nes y bydd y llong yn barod i gael ei harddangos mewn oriel mewn canolfan gelfyddydau yn y ddinas.

Daeth adeiladwyr o hyd i weddillion y llong, sy'n dyddio o'r 15fed ganrif, pan opedden nhw'n cloddio wrth godi'r ganolfan 16m yn 2002.

'Costau parhaus'

Mae archeolegwyr yn credu y gallai'r darganfyddiad fod yn fwy allweddol na llong Duduraidd y Mary Rose.

Dywedodd y cyngor fod y prosiect eleni yn cael ei ariannu o'r hyn sy'n weddill o'r grant 2.9m oddi wrth Lywodraeth y Cynulliad.

A dywedodd llefarydd ar ran y cyngor fod y grant eisoes wedi ariannu "rhan allweddol" o'r gwaith sy'n cynnwys archeoleg, codi oriel, a symud a storio coed.

"Ond mae costau parhaus ar gyfer gwaith cynnal a chadw a fydd o leiaf 300,000 y flwyddyn am sawl blwyddyn i ddod," meddai.

Dywedodd Charles Ferris, o Gyfeillion Llong Casnewydd, fod angen edrych yn ehangach ar "bwysigrwydd rhyngwladol" y llong a chwilio y tu hwnt i Gasnewydd a Chymru am arian.

"Mae fel cael y Mona Lisa a dweud na allwn fforddio gwneud dim byd ag e," meddai.

Dywedodd yr awdurdod lleol ei fod yn anelu at gael hyd at 70% o'r arian y tu allan i Gasnewydd.




HEFYD:
'Hen long chysylltiad mr-ladron'
31 Ion 04 |  Newyddion
Dyfodol i long hanesyddol Casnewydd
29 Awst 03 |  Newyddion
Symud llong Casnewydd i safle Corus
20 Medi 02 |  Newyddion


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^