BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Gwener, 2 Gorffennaf, 2004, 06:10 GMT 07:10 UK
90 swydd i greu paneli haul
Cwmni Sharp
Bydd 40 o'r swyddi yn cael eu creu yn 2004

Mae cwmni Sharp yn creu 90 o swyddi yng ngogledd Cymru mewn ffatri fydd yn cynhyrchu paneli haul.

Erbyn 2005 bydd 90 o swyddi newydd wedi eu creu yn y ffatri yn Llai ger Wrecsam.

Yn y seremoni agoriadol ddydd Gwener fydd Ysgrifennydd Cymru Peter Hain, Gweinidog Datblygu Economaidd y Cynulliad, Andrew Davies, ac uwch-reolwyr Sharp fydd yn dod yno o Japan.

Bydd 40 o swyddi yn cael eu creu eleni a'r gweddill y flwyddyn ganlynol.

Yn 2002 cyhoeddodd Sharp Electronics fod 314 o swyddi'n diflannu yn Wrecsam.

Cyhoeddodd Sharp fis Hydref diwethaf fod y cwmni'n bwriadu ehangu'r ffatri er mwyn cynhyrchu paneli haul i'w gwerthu ym Mhrydain ac Ewrop.

Mi fydd y cwmni'n cynhyrchu nwyddau solar ar gyfer y cartref a chyfarpar diwydiannol a masnachol.

Twf

"Dyma'r union ddatblygiad sydd ei angen yng Nghymru," meddai Mr Hain, fis Hydref diwethaf.

"Cwmni Sharp yw un o brif gynhyrchwyr nwyddau solar y byd ac mae'n proffwydo twf yn y farchnad yn Ewrop.

"Mae'r dechnoleg yn lān a'r pwyslais ar ailgylchu a chyfrannu at amddiffyn yr amgylchedd."

"Rhaid cyfaddef fod y staff wrth eu bodd," meddai Hiroshi Sasaoka, cadeirydd Sharp Electronics ym Mhrydain.

"Mae'r penderfyniad yn dangos y bydd y ffatri yn Wrecsam yn dal i fod yng nghanol bwrlwm holl waith Sharp yn Ewrop."




HEFYD:
Swyddi: Ffatri paneli haul
30 Hyd 03  |  Newyddion


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^