Dyma'r newyddion yn gryno o Gymru:
Bachgen wedi ei daro gan fws
Yn Abertawe, mae'r heddlu yn ymchwilio ar ôl i fachgen ifanc cael ei daro gan fws ddydd Sadwrn.
Fe ddigwyddodd y ddamwain yn ardal Blaenymaes.
Dywedodd llefarydd ar ran yr heddlu bod y bachgen mewn cyflwr difrifol yn yr ysbyty.
Cafwyd hyd i feic plentyn ger y ddamwain.
Does dim rhagor o fanylion ar hyn o bryd.
Gosod sticeri er mwyn deddf iaith
Nos Wener bu aelodau o Gymdeithas yr Iaith yn targedu nifer o gwmnïau preifat gan osod sticeri ar ffenestri banciau, siopau ac archfarchnadoedd yn Y Fflint.
Roedd y sticeri yn gofyn "Ble mae'r Gymraeg?".
Yn ôl y Gymdeithas mae hyn yn tynnu sylw at y ffaith nad yw'r Ddeddf Iaith bresennol yn "cyffwrdd â'r sector breifat".
Dywedodd y Gymdeithas bod hyn yn gychwyn ar gyfnod o bwyso am yr angen o Ddeddf Iaith newydd.
"Penderfynodd Cymdeithas yr Iaith gychwyn ar gyfnod o ymgyrchu gweithredol er mwyn ailgodi yr angen am Ddeddf Iaith Newydd," meddai Huw Lewis, Cadeirydd y Gymdeithas.
"Dro ar ôl tro, fe welir fod cwmnïau a sefydliadau yn parhau i wrthod cynnig y mwyafrif o'u gwasanaethau trwy gyfrwng y Gymraeg, gan sathru ar hawliau siaradwyr Cymraeg.
"Ni fydd hyn yn newid hyd nes ceir Deddf Iaith Newydd."
Symud morfil marw
Mae gweithwyr wedi dechrau ar y broses o symud morfil 60 troedfedd o hyd a gafodd ei olchi i'r lan yn ardal Casnewydd.
Cafodd y morfil ei olchi i'r lad ddydd Iau.
Mae cannoedd o bobl wedi ymweld â'r safle, ers i ddyn sylwi ar y creadur tra'n mynd â'i gi am dro.
Tagfeydd ar yr A55
Mae rhan o lôn ddwyreiniol ffordd y A55 yn y gogledd ger Allt Rhuallt ar gau ar hyn o bryd.
Fe wnaeth un o garfanau Heddlu'r Gogledd droi drosodd yno.
Mae'r heddlu yn y broses o symud y cerbyd ar hyn o bryd.
Cafodd yrwyr yn yr ardal rybudd am dagfeydd yn yr ardal.
Home
