Coleg i gau pedair adran?

Mae ymgynghori ers yr hydref, medd yr awdurdodau

Mae prifysgol yn penderfynu a fydd yn cau pedair adran.

Corff rheoli Prifysgol Abertawe sy'n penderfynu a fydd yn cau pedair adran, athroniaeth, cymdeithaseg ac anthropoleg, astudiaethau datblygu a chemeg.

Mae'r Is-Ganghellor, yr Athro Richard B Davies, wedi dweud ei fod am ganolbwyntio adnodau ac ehangu pynciau mwy poblogaidd.

Ond mae darlithwyr a myfyrwyr wedi dweud fod cwtogi'n bygwth statws y brifysgol.

Yn Ionawr y cefnogodd corff rheoli'r brifysgol y cynllun mewn egwyddor.

Ers hynny mae deisebau wedi eu hanfon a phrotestiadau wedi eu cynnal.

Mae undeb y darlithwyr, yr AUT, wedi gofyn i aelodau'r cyngor ymddiswyddo.

Yr honiad yw bod yr ailstrwythuro wedi ei gyhoeddi heb ymgynghori llawn.

Mae academwyr o brifysgolion a cholegau eraill wedi anfon llythyrau cefnogi.

Ond dywedodd yr Athro Davies fod yr ymgynghori wedi cychwyn ers yr hydref.

Yr Athro Davies: 'Myfyrwyr ar eu hennill'

Dywedodd y byddai'r adrannau hanes, Saesneg, daearyddiaeth, a chyfrifiaduron yn ehangu a 75 o swyddi'n cael eu creu o fewn y tair blynedd nesa.

Ni fyddai diswyddiadau gorfodol, meddai.

"Bydd myfyrwyr ar eu hennill oherwydd cyrsiau o'r safon ucha.

"O bryd i'w gilydd rhaid i bob prifysgol addasu eu cyrsiau oherwydd galw'r myfyrwyr."