BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Iau, 5 Awst, 2004, 06:26 GMT 07:26 UK
Rhagolwg braf i Erin
Erin Roberts
Erin Roberts: Wedi bod eisiau cyflwyno'r tywydd erioed
Mae gan S4C gyflwynydd tywydd, athrawes daearyddiaeth diddordeb byw mewn meteoroleg.

Dewiswyd Erin Roberts i gamu i esgidiau Jenny Ogwen sydd wedi ymddeol.

Ar benwythnosau ac yn ystod gwyliau'r haf y bydd hi'n cyflwyno bwletinau gan ei bod am ddal i ddysgu Daearyddiaeth yn llawn-amser yn Ysgol Gyfun Cwm Rhymni yn Fleur-de-Lys ger Y Coed Duon.

Dywedodd Erin sy'n wreiddiol o Bontllyfni ger Caernarfon ond yn byw yng Nghaerdydd ei bod wedi breuddwydio erioed am fod yn gyflwynydd tywydd.

"Mae fy mywyd yn mynd i fod yn reit brysur rhwng dysgu llawn amser a chyflwyno'r tywydd ond mi fydd yn her a doedd dim posib ei wrthod.

Fy hoff gyflwynydd tywydd yw Helen Willetts ar y BBC. Dwi'n gobeithio gallu cyflwyno yn yr un ffordd gynnes a diddorol
Erin Roberts

"Dwi wrth fy modd yn dysgu ac yn cymryd diddordeb yn y tywydd.

"Mae'r disgyblion wastad yn cwyno mod i'n trin a thrafod y tywydd byth a hefyd ac mi fydda i'n waeth fyth rwan."

Ddeng mlynedd yn l, meddai, roedd yn gobeithio astudio meteoroleg yn y brifysgol ond roedd 'i bryd ar astudio yn Lerpwl gan ei bod yn ffan mawr o dm pl-droed Everton.

Felly dewisodd astudio daearyddiaeth fel gradd yn y ddinas.

Nid hi yw'r unig un o'r teulu ar y teledu - mae ei chwaer, Nest Williams, yn wyneb cyfarwydd ar S4C fel newyddiadurwraig a chyflwynydd rhaglen Newyddion BBC Cymru.

"Mae'n rhyfedd iawn. Pan oeddem yn blant, roedd Nest yn siarad am fod yn gyflwynydd newyddion a finnau'n sn am fod yn gyflwynydd tywydd.

'Rhannu tips'

"Mi fydd Nest yn siwr o rannu ychydig o dips efo fi, yn enwedig ar steil gwallt, dillad a cholur."

Ar Awst 9 y bydd Erin yn dechrau yn ei swydd.

"Fy hoff gyflwynydd tywydd yw Helen Willetts ar y BBC. Dwi'n gobeithio gallu cyflwyno yn yr un ffordd gynnes a diddorol.

"Mae'n sialens ond mae tm cyflwyno'r tywydd yn S4C eisoes wedi bod yn groesawus."

Mae hi ar lwyfan yr Eisteddfod Genedlaethol yng Nghasnewydd yr wythnos hon gyda'r cr newydd o dde-ddwyrain Cymru, Cwm Ni.




HEFYD:
Gwyntoedd yn achosi trafferthion
08 Gorff 04  |  Newyddion
Tywydd garw yn atal rasys cychod
26 Meh 04  |  Newyddion
S4C: 'Effeithiol ac effeithlon'
22 Gorff 04  |  Newyddion
'Anelu at ragoriaeth greadigol'
20 Gorff 04  |  Newyddion



Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^