BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Gwener, 6 Chwefror, 2004, 16:54 GMT
Cyflwyno lluniau Gwynfor
Cyflwynwyd casgliad gwerthfawr o ffotograffau'n gysylltiedig Gwynfor Evans, cyn-AS cynta Plaid Cymru, i'r Llyfrgell Genedlaethol.

Gwynfor Evans
Lluniau: Buddugoliaeth Gwynfor yng Nghaerfyrddin
Mae'r pedwar bocs yn cynnwys cannoedd o ffotograffau o'r pumdegau hyd at y saithdegau cynnar.

Ymwneud 'r cyfnod pan enillodd Gwynfor Evans is-etholiad hanesyddol Caerfyrddin dros Blaid Cymru yn 1966 y mae'r rhan fwya.

Rhodri Glyn Thomas, AC Plaid Cymru Dwyrain Caerfyrddin a Dinefwr, gyflwynodd y casgliad ddydd Gwener.

"Mae'r casgliad o ffotograffau'n gofnod gwleidyddol pwysig o gyfnod gwleidyddol diddorol yn hanes Cymru," meddai John Graham Jones, Pennaeth Archif Wleidyddol Cymru y Llyfrgell Genedlaethol.

"Rydyn ni'n gwerthfawrogi cyfraniad Plaid Cymru at gyfoethogi casgliad cenedlaethol yr Archif Wleidyddol ar gyfer pobol Cymru a haneswyr y dyfodol.

"Rwy'n swr fod gan bleidiau eraill gasgliadau pwysig a diddorol yn eu meddiant a hoffem glywed ganddyn nhw."

Gwynfor Evans
Cafwyd hyd i'r lluniau yn swyddfa Plaid Cymru yn Rhydaman
Darganfuwyd y pedwar bocs o ffotograffau mewn cwpwrdd yn swyddfa Plaid Cymru yn Heol y Gwynt, Rhydaman, wrth i staff dacluso'r stafell.

Mae'n debyg i'r lluniau ddod yno o swyddfa'r Blaid yng Nghaerfyrddin.

"Mae'n anrhydedd i geisio llenwi esgidiau cawr gwleidyddol fel Gwynfor Evans, dyn a fu'n uchel ei barch gan bobol Sir Gaerfyrddin a Chymru ac a ddyfarnwyd yn un o brif arwyr Cymru mewn pl diweddar," meddai Rhodri Glyn Thomas.

"Rwy'n swr y bydd yn gasgliad diddorol fydd o ddefnydd i haneswyr y dyfodol.

"Rydyn ni'n gwerthfawrogi'r ffaith fod Plaid Cymru Caerfyrddin wedi cadw'r ffotograffau yma mewn cystal cyflwr a'u cyflwyno i'r Llyfrgell," meddai William Troughton, Pennaeth Casgliadau Ffotograffig y Llyfrgell.

"Ysgwn i sawl bocs arall o ffotograffau diddorol a phwysig sy'n llechu yng nghypyrddau swyddfeydd gwleidyddol Cymru?"

Mae'r Llyfrgell Genedlaethol yn chwilio am eich help chi er mwyn cael mwy o wybodaeth am luniau yn ymwneud gyrfa Gwynfor Evans.

Ewch i ddarllen mwy




HEFYD:
Teyrnged i Gwynfor Evans
30 Awst 02  |  Newyddion


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^