Holwyd dros 500 o bobol ar Y Maes
|
Er i Eisteddfod eleni fod yn llwyddiant, a hynny'n bennaf oherwydd y tywydd braf, dydy sefyllfa ariannol tymor hir y Brifwyl ddim mor iach.
Bu i argyfwng y clwy traed a genau gael effaith andwyol ar yr Eisteddfod rai blynyddoedd yn ôl a chafwyd tywydd gwlyb yn Nhyddewi a gadwodd y torfeydd draw ac a arweiniodd at gostau uwch.
Mi fydd rhaid unai gael arian ychwanegol o rywle neu wneud arbedion.
Soniwyd am nifer o ddewisiadau - o gael gwared â'r Feithrinfa i roi stop ar Faes B.
Ond be fuaai orau gan yr Eisteddfodwyr?
Bu rhaglen Newyddion BBC Cymru yn holi barn dros 500 o bobol ar Y Maes.
Dyma oedd barn y bobol:
Mae 44% o'r rhai a holwyd am gael gwared â Phabell y Cymdeithasau.
Yn ail, oedd Y Ddrama Gomisiwn gyda 25% o'r bleidlais am gael gwared â hi, ond roedd 22% am beidio cael gwared ag unrhyw beth oddi ar y Maes gan ddadlau y dylai'r arbedion ariannol ddod o rywle arall.
Prin iawn oedd y nifer oedd am weld diflaniad Maes B na'r Feithrinfa. Roedd y rhain yn fuddsoddiad i ddyfodol yr Eisteddfod, medden nhw.
Dim ond 5% oedd o blaid cael gwared â Maes B a 3% am weld cefn y Feithrinfa.
Ydych chi'n cytuno?
Gyrrwch air i BBC Cymru'r Byd
drwy glicio yma.
Home
