BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Mawrth, 5 Awst, 2003, 17:01 GMT 18:01 UK
Cyhoeddi'r Cymro'n ddigidol
Y Cymro ar y we
Gall Y Cymro ddosbarthu cyfrwng print traddodiadol i ddarllenwyr dros y we
Mae Y Cymro wedi arwyddo cytundeb sy'n golygu mai hwn yw'r papur newydd Cymraeg cyntaf fydd ar gael yn gyfan gwbl ddigidol dros y rhyngrwyd.

Bydd Y Cymro yn cydweithio NewsStand, cwmni dyfeisgar gyda thechnoleg phatent dan ystyriaeth, ar gyfer darparu cyfrwng print traddodiadol dros y rhyngrwyd.

Bydd darllenwyr yn derbyn copi digidol o'r fersiwn print gyda chyfleusterau chwilio, chwyddo a llywio.

Bydd yn cael ei ddosbarthu'n awtomatig i danysgrifwyr.

Diddordeb mawr

Mae diddordeb mawr yng nghynllun NewsStand o fewn y byd cyhoeddi.

Ar hyn o bryd, mae NewsStand yn gweithio gyda chyhoeddwyr blaenllaw eraill ac mae'r papurau newydd eraill sydd ar gael drwy danysgrifiad yn cynnwys y Scotsman, yr Australian, y New York Times, Le Monde, China Daily a'r New Zealand Press.

Mae Y Cymro yn gweld y buddsoddiad yma'n "bwysig iawn fel rhan o'i orchwyl i dorri cwys cystadleuol newydd ac ennill llwyddiant ym marchnad y we".

Gall Y Cymro yn awr ddosbarthu cyfrwng print traddodiadol i ddarllenwyr drwy'r rhyngrwyd, ar draws y byd.

Bydd tanysgrifwyr yn llwytho'r Cymro ac yn darllen eu papur newydd yn union fel gyda'r fersiwn print.

Newidiadau mawr

"Mae yna newidiadau mawr yn y byd cyhoeddi," meddai Golygydd Y Cymro, Rob Jones.

"Mae'n rhaid i gyhoeddwyr gydnabod y bygythiad o du gwybodaeth ar y we a gwneud ymdrech i wrth wneud hyn.

"Mae gofynion y cwsmer, hefyd, yn newid wrth i bobol deithio'n fwy aml a chwilio am fynediad mwy effeithiol at nwyddau a gwasanaethau cyhoeddwyr.

"Mae gan gwsmeriaid fwy o ddewis yn awr yn y modd maen nhw'n cael mynediad at, ac yn derbyn gwybodaeth.

"Mae gwasanaeth dosbarthu di-bapur Y Cymro yn rhoi i ddarllenwyr nad ydynt yn gallu prynu'r papur y nesaf peth at brofiad cyfrwng print traddodiadol," ychwanegodd.




CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^