'Angen £500,000 ym Maldwyn'

Logo'r Eisteddfod sydd ar y faner sy'n chwifio ar do'r Pafiliwn

Mae trefnwyr wedi dweud fod angen tua £500,000 ar yr Eisteddfod drwy werthiant tocynnau yn ystod yr wythnos.

"Efo £500,000 mi fyddwn ni'n gwenu yr adeg yma yr wythnos nesa," meddai Hywel Wyn Edwards, Trefnydd yr Eisteddfod yn y Gogledd.

Byddai hyn yn golygu fod yn rhaid i tua 165,000 o bobol ymweld â'r Maes yn ystod yr wythnos.

"Pe bai o gwmpas 160,000 i 165,000 o bobol yn dod yma, fe fyddai sefyllfa ariannol yr wyl yn weddol," meddai Cyfarwyddwr yr Eisteddfod, Elfed Roberts.

Eleni mae'r Eisteddfod yn costio £2.5m.

Er mwyn codi arian, cafodd 40 o bwyllgorau apêl lleol eu sefydlu, gan gynnwys rhai dros y ffin.

Pe bai o gwmpas 160,000 i 165,000 o bobol yn dod yma, fe fyddai sefyllfa ariannol yr wyl yn weddol Elfed Roberts, Cyfarwyddwr yr Eisteddfod

Bu Croesoswallt, yr Amwythig, Stoke on Trent, Wolverhampton, Newcastle Under Lyme a Birmingham yn codi arian.

Gofynnwyd i'r pwyllgorau lleol godi £201,000 ond llwyddon nhw i godi £240,000.

Gosodwyd targed o £21,000 i'r pwyllgorau dros y ffin a llwyddon nhw i godi mwy.

Derbyniodd yr Eisteddfod £310,000 oddi wrth Gyngor Sir Powys.

BBC Cymru'r Byd yn yr Eisteddfod