BBC Home
Explore the BBC
Chwiliwch yn Gymraeg
---------------
---------------
---------------
BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
SAFLEOEDD
ERAILL BBC
---------------
NEWYDDION
MEWN IEITHOEDD ERAILL
Arabic
Espanol
Russian
Chinese
Diweddarwyd: Dydd Sadwrn, 12 Ebrill, 2003, 13:32 GMT 14:32 UK
Protestiadau yn Baghdad
Protestwyr yng nghanol Baghdad
Protestwyr yng nghanol Baghdad am gael mwy o reolaeth yn y ddinas
Mae cannoedd i Iraciaid wedi bod yn protestio yng nghanol eu prifddinas, Baghdad yn mynnu gweithredu ar unwaith i'r ton o dor cyfraith sydd yn y ddinas.

Roedd y protestwyr yn gweiddi ac cario arwyddion oedd yn mynnu gwell diogewlch i osgoi mwy o ddwyn eiddo.

Fe ddaw hyn yn dilyn rhybudd gan fudiad Y Groes Goch bod y system feddygol yn Baghdad yn dirywio gan bod y trais a'r ofn yn parhau.

Mae nifer o feddygon a gweithwyr iechyd yn cario gynnau i ddiogelu eu hunnain wrth i bobol gerdded i mewn i ysbytai i ddwyn be allen nhw.

Ond mae 'na arwyddion bod lluoedd America yn barod i ymyrryd a dod a chyfraith a threfn yn ôl i'r ddinas.

Mae bobol wedi bod yn dwyn o dai a busnesau bobol gyffredin ar ôl i'r adeiladau arlywyddol a llywodraethol gael eu gwagio.

Dinas Saddam

Mae'r ddinas yn dal i fod yn le peryglus iawn gyda sethu ac ymladd yn dal i ddigwydd ar y strydoedd yn enwedig mewn maes-dref yng ngogledd y ddinas, Dinas Saddam.

Yn ôl Paul Wood, gohebydd y BBC yn Baghdad, mae cyrff rhai o'r bobol sydd wedi bod yn dwyn yn cael eu claddu ar ochr y ffyrdd gan eu bod yn dechrau drewi.

Ychydig o fudiadau dyngarol sy'n parhau i weithio yn Baghdad gyda'r ddinas yn dal yn le peryglus.

Cafodd aelod o'r Groes Goch ei ladd ddydd Mawrth yn y ddinas ac maen nhw wedi dod a'u gwaith yno i ben.

Dywedodd Adran Amddiffyn America y byddan nhw'n gyrru hyd at 1,200 o swyddogion yr heddlu i Irac odn doedden nhw ddim yn gwybod pryd y bydden nhw'n cyrraedd.




HEFYD:
Cwrdiaid yn gadael Kirkuk
12 Ebr 03  |  Newyddion
Milwr yn geni babi yn Irac
12 Ebr 03  |  Newyddion
Cyd-filwyr yn cofio cyfaill
11 Ebr 03  |  Newyddion


CYSYLLTIADAU RHYNGRWYD:
Dyw'r BBC ddim yn gyfrifol am gynnwys safleoedd rhyngrwyd allanol


Gwasanaethau ebost | ticer newyddion | Amodau Defnyddio | Preifatrwydd a Chwcis


Yn ôl i'r brig ^^