Arweinwyr y prif bleidiau yng Nghymru

Ers yr etholiad cyffredinol diwethaf mae pob un o'r prif bleidiau yng Nghymru wedi gweld newid yn eu harweinyddiaeth.

Bydd yr etholiad yn dipyn o her i'r pleidiau yng Nghymru felly wrth iddyn nhw frwydro gydag arweinyddion newydd a hynny yn yr hinsawdd wleidyddol newydd sy'n bodoli yng Nghymru wedi datganoli.

Yma cewch fwy o hanes yr arweinyddion newydd hyn.

---

Llafur

Paul Murphy, Ysgrifennydd Gwladol Cymru fydd yn arwain y blaid Lafur, fe gafodd ef ei benodi i'r swydd wedi ymddiswyddiad Alun Michael yn 1999.

---

Y Ceidwadwyr

Fe fydd Nigel Evans yn arwain y Blaid Geidwadol ac yn cymryd lle Rod Richards a gyhuddwyd ym mis Awst 1999 o ymosod ar ferch ifanc.

Cafwyd Rod Richards yn ddi-euog ym mis Gorffennaf 2000 ond ni ddychwelodd yn arweinydd y blaid Geidwadol yng Nghymru.

---

Plaid Cymru

Ieuan Wyn Jones yw arweinydd Plaid Cymru erbyn hyn wedi i Dafydd Wigley ymddiswyddo oherwydd problemau iechyd ym mis Awst 2000.

---

Y Democratiaid Rhyddfrydol

Mae gan y Democratiaid Rhyddfrydol arweinydd newydd hefyd sef Lembit Opik

Ef fydd yn arwain yr ymgyrch etholiadol ac mae wedi cymryd yr awennau wedi i Richard Livsey ddatgan na fydd yn sefyll yn yr etholiad.