The Peel 50 was designed and built by Cyril Cannell and Henry Kissack
Peel's best known car, the P50, is recognized by the Guinness Book of World Records as the smallest road-legal car ever produced.
Yn Gleashtan share er enn voish Purt ny h-Inshey, yn P50, t'eh coontit liorish Lioar Recortyssyn y Theihll Guinness dy ve yn gleashtan raaidey sloo va rieau jeant.
Peel Engineering Ltd was established in the 1950's and was best known for the production of the P50 and Trident motorcars.
Va Colught Jeshaghteyrys Phurt ny h-Inshey currit er bun ayns ny bleeantyn 1950 as haink eh dy ve ennymoil son jannoo ny gleashtanyn P50 as Trident.
The P50 still holds the record for being the smallest production car in the world.
Ta'n P50 foast cummal y recortys son ve y gleashtan raaidey cadjin sloo sy theihll.
At the peak of production Peel Engineering employed 40 people.
Tra va'n troar echey ec y vullagh va 40 dy leih gobbragh da Jeshaghteyrys Phurt ny h-Inshey.
The company started off engineering fibreglass motorcycle fairings before moving into motor parts and boat hulls.
Ghow yn colught toshiaght jannoo coodeeyn roar-bree gless-frauaigagh roish my hyndaa ad dys jannoo ayrnyn gleashtan as kirp baatyn.
The P50 was designed and built by Cyril Cannell and Henry Kissack, and launched at the 1962 Earls Court Motorcycle show.
Va'n P50 kiaddit as troggit liorish Cyril Cannell as Henry Kissack, as v'eh lunnit ec y Taishbynys Roar-bree ec Earl's Court ayns 1962.
The car with its welded tubular steel chassis was the first to be manufactured on the island.
She yn chied ghleashtan as chassis staillin piobanagh echey va rieau jeant er yn ellan.
A Zweiral Union single cylinder 49 cc engine powered the vehicle and the car had a three speed forward gearbox.
Ren jeshaght Zweiral Union un chylinder 49cc cur pooar da'n ghleashtan as va kishtey-geear 3 bieauidyn er-oaie echey.
To reverse you would have to get out and turn the car yourself with a chrome handle on the rear. Its lightweight fibreglass body made it light enough for this to be an easy task.
Dy gholl ergooyl begin dhyt goll magh as chyndaa yn gleashtan lesh doarnane crome er y chione-jerree. Er coontey jeh'n chorp gless-frauaigagh eddyrym echey va shoh aashagh dy liooar.
The P50 had the maximum speed of 40 MPH and was capable of 100 MPG.
Va'n bieauid smoo echey 40 mso as dod eh 100 mdg y chooilleeney.
As the car is a three-wheeler, has an engine under 1000 cc and weighs less than 8 cwt, it is technically classed as a motorcycle, so no speedometer was fitted.
Er y fa dy vel tree queeylyn ec y ghleashtan, chammah's jeshaght ny sloo na 1000 cc as trimmid ny sloo na 8 cwt, t'eh coontit dy oikoil dy ve ny roar-bree, as myrshen cha row feme towsheyder bieauid y chur stiagh.
The overall dimensions are, 4'4" long, 3'3" wide and 3'10" high. In 1963 the car retailed at £199.00 compared to around £250 for a good motorbike. With only 100 coming off the production line, they are worth a lot more today.
Ta ny towseyn cheumooie echey 4'4'' er lhiurid, 3'3'' er lheead as 3'10'' er yrjid. Ayns 1963 va'n gleashtan ry chionnaghey son £199 cosoylit rish mysh £250 son roar-bree mie. Er y fa nagh row agh 100 jeu jeant, t'ad feeu foddey ny smoo jiu.
The P50 was available in Daytona White, Dragon Red, Capri Blue and Sunshine Yellow.
Va'n P50 ry gheddyn ayns Bane Daytona, Jiarg Dragane, Gorrym Capri as Bwee Sollys Greiney.
Current owners tell of a number of variations to each individual vehicle, emphasising the hand built nature of the production line.
Ta shellooderyn y ghleashtan jiu gra dy vel shiartanse dy anchaslyssyn er lheh ec dagh gleashtan, feanish dy row dagh nane jeu laue-yeant.
P50s were sent to all parts of the world, including America.
Va ny P50yn currit feiy ny cruinney, goaill stiagh America.
On its American test run the Bureau of Transportation Inspector rolled the car down an embankment, but as he escaped without a scratch, he passed the car as suitable for use immediately.
Er e roie prowallagh ren Scruteyr yn Oik Arraghey rowlal y gleashtan sheese lhargagh, agh er y fa dy ren eh scapail dyn screeb, hug eh kied dy voddagh eh goll er ymmydey chelleeragh.
The P50 shone in a variety of tests including a 15 mile road test in London, where it completed the route a full 30 minutes ahead of a saloon car of the day.
Va'n P50 mie er bashtal ayns caghlaa dy phrowalyn goaill stiagh prowal raaidey 15 meeiley ayns Lunnin, raad ren eh cur jerrey er y turrys slane 30 minnidyn roish gleashtan 'saloon' cadjin ny laghyn shen.
A recent Top Gear episode showed how the car is just as effective today.
Ren cur-magh jeianagh jeh Top Gear soilshaghey dy vel y gleashtan foast feer ymmydoil jiu.
In 1965 the P50 was developed a stage further with the arrival of the Trident.
Ayns 1965 va vershoon lhiasit jeh'n P50 enmyssit yn Trident lunnit.
The Trident with its distinctive bubble canopy was produced in four variations, single-seater, and two-seater, automatic and electric.
Va'n Trident lesh y choodagh bolganagh er lheh echey jeant ayns kiare vershoonyn: un-soiag, daa-hoiag, seyr-obbragh as lectragh.
To this day the Trident is still one of the most distinctive cars ever to take to the roads and proved very popular with young couples.
Gys y laa t'ayn jiu she foast nane jeh ny gleashtanyn smoo neuchadjin va rieau currit er y raad yn Trident as b'vie lesh cubbylyn aegey eh dy jarroo.
Only two P50s remain on the island, one is privately owned and the second is on display at The Peel Transport Museum.
Cha nel agh daa P50yn er mayrn er yn Ellan, ta nane lesh peiagh er lheh as ta'n fer elley ry akin ec Thie-tashtee Arraghey Phurt ny h-Inshey.
In 2004 The Peel Transport Museum became aware of a 1962 P50 being sold in Cheshire.
Ayns 2004 hooar Thie-tashtee Arraghey Phurt ny h-Inshey fys dy row P50 1962 ry chreck ayns Cheshire.
With generous help from The Manx Heritage Foundation, The Public Lottery Trustees, a great deal of fundraising and several anonymous donations they managed to raise the £10,500 needed to bring it home.
Lesh cooney feoiltagh voish Undinys Eiraght Vannin, Treisht y Chronghyr Theayagh, nyn eabbyn mooarey hene dy hroggal argid as shiartanse dy hoyrtyssyn gyn ennym, haink eh lhieu troggal yn £10,500 va feme oc er dy chur lhieu eh dy valley.