Europe South Asia Asia Pacific Americas Middle East Africa BBC Homepage World Service Education
BBC Homepagefersiwn graffeg isel | adborth | cymorth
BBC Newyddion
 Dyma safle: Newyddion
Tudalen flaen 
BBC Cymru'r Byd 
Clecs Cymru 
newyddion mewn ieithoedd eraill
BBC News Online
Arabic
Spanish
Russian
Chinese


Adroddiad Rhuanedd Richards BBC Cymru
"Ar hyn o bryd mae popeth yn Gymraeg a Saesneg"
 real 56k

Dydd Mercher, 9 Awst, 2000, 17:11 GMT
'Dim angen cyfieithu cofnodion y Cynulliad'
Y Cynulliad
Ar hyn o bryd mae Cofnod y Cynulliad yn cael ei gyfieithu
Mae Llywydd y Cynulliad wedi dweud ei fod o'n amau gwerth cyfieithu Cofnod y Cynulliad o'r Saesneg i'r Gymraeg.

Mae neges e-bost gyfrinachol rhwng staff y Cynulliad yn awgrymu bod Dafydd Elis Thomas yn gweld hyn yn wastraff adnoddau - ac yn rhy ddrud.

Ond yn ôl datganiad gan lefarydd ar ran y Cynulliad: "Mae'n fwriad gan swyddfa'r Llywydd gael ei gynllun iaith ei hun.

"Ac fel rhan o'r datblygiad yma mi fydd yna arolwg o bob gwasanaeth ynghyd ag ymgynghoriad cyhoeddus.

Proses ymgynghorol

"Mi fydd unrhyw farn yn gallu cael ei chynnwys yn y broses ymgynghorol yma."

Yn ôl John Walter Jones, prif weithredwr Bwrdd yr Iaith, doedd o'n gwybod dim am gynnwys y neges e-bost.

Ond ychwanegodd ei fod o'r dechrau wedi dadlau fod cyfieithu dogfennau i'r Gymraeg er mwyn hynny'n unig yn "symboliaeth"

"Mae'n rhaid i'r Cynulliad fod yn ofalus wrth wario arian," meddai Mr Jones, "a rwyf yn erbyn gwneud ystumiau cyhoeddus."

"Cyfieithu i'r Gymraeg ddogfennau mae pobol am eu darllen sy'n bwysig," meddai.

Ymateb yn ffyrnig

Ond mae Cymdeithas yr Iaith wedi ymateb yn ffyrnig i'r newydd, a gyhoeddwyd yn y cylchgrawn materion cyfoes Golwg.

Yn ôl Dafydd Morgan Lewis, eu trefnydd ymgyrchoedd y Cynulliad, mi roedd y Gymdeithas yn gwrthod unrhyw ymgais i danseilio'r iaith yn y Cynulliad.

"Mi gafodd y Cynulliad ei sefydlu fel corff dwyieithog," meddai ac mi ddylai'r gwasanaeth cyfieithu gael ei wella nid ei israddio."

Mae Elin Jones, AC Plaid Cymru dros Geredigion, hefyd am weld y Cofnod yn aros yn ddwyieithog.

Yn ôl Ysgrifennydd Busnes y Cynulliad Andrew Davies mi roedd yna adolygiad o'r gweithdrefnau ar y gweill.

Cysylltiadau Rhyngrwyd:


Nid yw'r BBC yn gyfrifol am gynnwys safleoedd Rhyngrwyd allanol.