Ceisio atal cwn rhag lladd defaid

Cafodd 8,000 o ddefaid eu lladd gan gwn y llynedd

Mae RSPCA Cymru'n cychwyn ymgyrch ddydd Iau i annog perchnogion cwn i ofalu nad ydy eu cwn yn amharu ar ddefaid.

Mae'r gymdeithas am i'r perchenogion ymddwyn yn gyfrifol er mwyn atal "miloedd o ymosodiadau di-angen gan gwn ar anifeiliaid fferm".

Am y tro cyntaf erioed mae'r RSPCA wedi ymuno ag Undeb Cenedlaethol yr Amaethwyr a'r Gymdeithas Ddefaid Genedlaethol i dynnu sylw at y broblem.

Yn ôl yr RSPCA cafodd dros 8,000 o ddefaid ac wyn eu lladd neu eu hanafu gan gwn y llynedd - cynnydd o 8% ers 1998.

Yn ôl un ffermwr o Drawsfynydd mi gollodd o 28 o wyn mewn un pnawn ac mi ddywedodd un arall bod haid o bedwar ci wedi lladd 37 o'i ddefaid.