Mae Cyngor Gwynedd wedi rhoi caniatād cynllunio amlinellol ar gyfer datblygiad anferth yn Noc Fictoria, Caernarfon.

Mi fydd yna siopau, caffis, tai bwyta, hotel ynghyd ā chanolfan ymwelwyr yno.

Mi fydd y datblygiad ar safle hen storfa betrol gafodd ei glanhau a chlirio'r llygredd oddi yno gan y cyngor.

Yn ōl y datblygwyr mi fydd y cynllun yn creu hyd at 200 o swyddi ac yn dod ag £20m ychwanegol i'r dref.

Mi fydd y swyddogion cynllunio'n parhau eu trafodaethau efo'r datblygwyr WJ Developments o Fiwmaris.

Dros y blynyddoedd mae miliynnau o bunnau wedi cael eu gwario ar geisio adfywio'r dref ac o bosib hwn yw'r cynllun mwyaf.

Er hynny, mae rhai siopwyr yn bryderus y bydd y cynllun yma'n tynnu ymwelwyr o ganol y dref.