Mae aelod seneddol wedi beirniadu Adroddiad Waterhouse.

Dywedodd Martyn Jones, AS De Clwyd, mewn dadl yn y Senedd ddydd Gwener fod yr adroddiad yn ddiffygiol oherwydd nid oedd yn enwi gwleidyddion, barnwyr, heddlu na dynion busnes amlwg a gafodd eu cyhuddo yn ystod yr ymchwiliad.

Fis diwethaf cyhoeddodd Syr Ronald Waterhouse ei adroddiad hir-ddisgwyliedig i'r honiadau o gamdrin mewn cartrefi plant yng Nghlwyd a Gwynedd.

Dywedodd Mr Jones fod ganddo restr o 45 o bobol oedd yn cael eu hamau o gamdrin.

Ar un adeg roedd disgwyl y byddai e'n enwi'r bobol yn ystod y drafodaeth yn y Senedd ddydd Gwener.

Roedd Adroddiad Syr Ronald Waterhouse yn hir-ddisgwyliedig

Ond mae e eisiau trafod y mater gyda'r heddlu cyn enwi neb.

Dyw e ddim yn teimlo fod yr adroddiad wedi ymchwilio yn llawn i'r honiadau yn erbyn rhai sy'n cael eu henwi.

Y Gweinidog Iechyd, John Hutton, oedd yn agor y ddadl ddydd Gwener.

Ammlinellodd fesurau'r llywodraeth ar ôl Adroddiad Waterhouse, gan gynnwys sefydlu Comisiynydd Plant.