Ganwyd yn y Barri yn 1912 ac mae'n byw bellach yn Llanybydder, Sir Gaerfyrddin.

Mae'n briod a chanddo saith o blant a nifer o wyrion a wyresau.

Addysg
Prifysgol Cymru Aberystwyth a Choleg Ieuan Sant, Rhydychen.

Gyrfa
Er ei fod wedi graddio a'i hyfforddi fel cyfreithiwr, gweithio fel garddwr masnachol a wnaeth yn Llangadog, Sir Gaerfyrddin cyn mynd yn Aelod Seneddol.

Ysgrifennydd Heddychwyr Cymru 1939 - 1945

Llywydd Undeb yr Annibynwyr Cymraeg 1954

Cynghorydd Sir Gaerfyrddin 1949 - 1974

Un o wleidyddion amlycaf hanes Plaid Cymru a'r aelod cyntaf i ennill etholiad, yng Nghaerfyrddin 1966.

Collodd y sedd yn 1970, ond ei hennill eto yn 1974 -1979.

Bu'n llywydd Plaid Cymru 1945 - 1981 ac er 1982 yn Llywydd Anrhydeddus.

Yn ystod 1970au bu'n ymgyrchydd amlwg dros gael sianel deledu Gymraeg ac yn 1980 cyhoeddodd ei fod yn barod i ymprydio hyd at farwolaeth os na fyddai'r llywodraeth yn barod i ddarparu pedwaredd sianel.

Ar ôl yr Ail Ryfel Byd bu'n ffigwr amlwg yn natblygiad y Blaid ac mae ei ddylanwad fel cenedlaetholwr a gwleidydd yn parhau.

Mae'n uchel ei barch hyd yn oed ymhlith gwleidyddion pleidiau eraill.

Cyhoeddodd Pennar Davies yn 1976 gyfrol ar ei waith Gwynfor Evans - golwg ar ei waith a'i feddwl, ac yn 1982 cyhoeddwyd cyfrol o'i hunangofiant, Bywyd Cymro yng Nghyfres y Cewri dan olygyddiaeth Manon Rhys.

Yn 1996 ymddangosodd y gyfrol yn Saesneg, For the Sake of Wales.