Cymru'n colli cyfle

Giggs yn gapten Cymru, ond yn methu ysbrydoli'r tîm

Cymru 0 - Armenia 0

Yn Stadiwm y Mileniwm, Caerdydd ddydd Sadwrn cafodd Gymru gêm gyfartal ddi-sgôr yn erbyn Armenia yn rowndiau rhagbrofol Cwpan y Byd.

Ac mae'r gobaith bychan a oedd ganddyn nhw o fynd i Siapan a De Corea bellach ar ben.

Methodd Iwan Roberts benio'r bêl i'r rhwyd

Fe gafodd Cymru sawl cyfle gwych o flaen y gôl yn ystod y gêm, ond yn methu â rhoi'r bêl yn y rhwyd.

Roedd amddiffyn Armenia'n gadarn.

Methodd nifer o chwaraewyr Cymru gyfleon gan gynnwys Iwan Roberts a Ryan Giggs.

Methodd Roberts â phenio i'r rhwyd yn yr ail hanner, un o'r cyfleon gorau y gallai Cymru fod wedi ei gael.

"Dwi'n siomedig, roedd o'n gyfle gwych i Gymru fynd yn ar y blaen i ennill y gêm," meddai.

"Bob tro dwi'n gwisgo crys Norwich mae'r bêl yn mynd mewn, bob tro dwi'n gwisgo crys Cymru dydyn nhw ddim.

"Wnaethon ni ddim cymryd y cyfleon oedd yna i ni.

'Adeiladu'r tîm'

"Roedd lot o'r tîm yn ifanc, yno mae'r dyfodol, a rhaid eu canmol.

"Er na allwn ni fynd ymlaen i'r gystadleuaeth rwan, fe fyddwn ni'n adeiladu'r tîm ar gyfer y dyfodol efo'r bois ifanc 'ma," ychwanegodd.

Roberts gafodd ei enwi fel chwaraewyr y gêm.

Doedd yr un o'r pedwar chwaraewr, Gary Spead, John Hartson, Mark Pembridge a Nathan Blake, sydd wedi sgori'r goliau yn y bencampwriaeth hyd yma, yn chwarae ddydd Sadwrn.

Fe fydd Cymru yn wynebu Norwy yn yr un gystadleuaeth yn Oslo nos Fercher.