Blair yn enwi ei Gabinet newydd

Tony Blair yn dychwelyd i Rif 10 yn fuddugoliaethus

Mae'r Prif Weinidog wedi gwneud newidiadau i'w gabinet yn dilyn buddugoliaeth ysgubol Llafur yn yr Etholiad Cyffredinol.

Y Cabinet newydd

Prif Weinidog Tony Blair

Dirprwy Brif Weinidog John Prescott

Canghellor Gordon Brown

Ysgrifennydd Tramor Jack Straw

Ysgrifennydd Cartref David Blunkett

Arglwydd Ganghellor Arglwydd Irvine o Lairg

Arweinydd Tý'r Cyffredin Robin Cook

Ysgrifennydd Amddiffyn Geoff Hoon

Ysgrifennydd Addysg a Sgiliau Estelle Morris

Ysgrifennydd Iechyd Alan Milburn

Ysgrifennydd Amgylchedd, Bwyd a Materion Gwledig Margaret Beckett

Ysgrifennydd Diwylliant Tessa Jowell

Prif Ysgrifennydd i'r Trysorlys Andrew Smith

Ysgrifennydd Gwaith a Phensiynau Alistair Darling

Ysgrifennydd Trafnidiaeth, Llywodraeth Leol a'r Rhanbarthau Stephen Byers

Ysgrifennydd Diwydiant a Masnach a Gweinidog dros Ferched Patricia Hewitt

Prif Chwip Hilary Armstrong

Cadeirydd y Blaid Lafur Charles Clarke

Ysgrifennydd Yr Alban Helen Liddell

Ysgrifennydd Cymru Paul Murphy

Ysgrifennydd Gogledd Iwerddon John Reid

Ysgrifennydd Datblygiad Rhyngwladol Clare Short

Arweinydd Tý'r Arglwyddi, Arglwydd Williams o Fostyn

Y sioc mwya ydi fod Jack Straw i olynu Robin Cook fel Ysgrifennydd Tramor, gyda David Blunkett yn Ysgrifennydd Cartre newydd.

Does 'na ddim lle yn y cabinet bellach i Chris Smith, Ann Taylor a Nick Brown.

Fe fydd Paul Murphy, Ysgrifennydd Cymru, yn cadw ei swydd.

Mae 'na bum dynes yn y cabinet gan gynnwys Margaret Beckett yn Ysgrifennydd Amgylchedd, Bwyd a Materion Gwledig, a'r cyn-athrawes Estelle Morris yn bennaeth ar adran newydd o dan yr enw Addysg a Sgiliau.

Mae John Prescott yn cael ei swyddfa ei hun yn y Cabinet yn goruchwylio gweithgareddau yn gyffredinol.

Dywedodd Mr Cook ei fod yn edrych ymlaen i gael dychwelyd i ganol gwleidyddiaeth Prydain efo'i swydd newydd.

Dywedodd Mr Cook ei fod yn edrych ymlaen i gael dychwelyd i ganol gwleidyddiaeth Prydain efo'i swydd newydd.

"Rydw i wedi bod wastad yn seneddwr gynta oll ac wedi colli'r Tý'r Cyffredin dros y pedair blynedd diwetha.

"Fel Ysgrifennydd Tramor, ychydig o amser 'dwi wedi ei dreulio yn y Tý.... Dwi'n falch i fod yn ôl yng nghanol y dadleuon yn y siambr unwaith eto."

Dywedodd Ms Short, sy'n parhau fel Ysgrifennydd Datblygiadau Rhyngwladol bod y newyddion am newid yr Ysgrifennydd Tramor wedi bod yn sioc i bawb.

Bydd Robin Cook yn gadael y Swyddfa Dramor

Meddai Tony Lloyd, AS, gweinidog o dan Mr Cook yn y Swyddfa Dramor y bydd ei gyn-fos yn teimlo'r ergyd.

Ond dywedodd yr Ysgrifennydd Diwydiant a Masnach newydd, Patricia Hewitt nad oes yna erioed "swydd am byth mewn gwleidyddiaeth" wedi bod.

Penodi merched

Mae Ms Hewitt yn un o bedair dynes sydd wedi cael eu dyrchafu i'r cabinet wrth i saith o ferched fod yn aelodau.

Patricia Hewitt: Gweinidog newydd ros ferched

Dyma'r nifer mwya o ferched mewn unrhyw gabinet erioed.

Y tair arall ydy'r Ysgrifennydd Addysg a Sgiliau, Estelle Morris; Prif Chwip Hilary Armstrong a'r Ysgrifennydd Diwylliant, Cyfryngau a Chwaraeon Tessa Jowell.

Cafodd adran newydd ei sefydlu, Adran Amgylchedd, Bwyd a Materion Gwledig i gymryd lle'r Weinyddiaeth Amaeth (Maff) a fydd yn cael ei arwain gan gyn Arweinydd Tý'r Cyffredin, Margaret Beckett.

Dyrchafiaid i Estelle Morris

Bydd Ysgrifennydd Nawdd Cymdeithasol Alistair Darling yn arwain adran newydd, adran ar gyfer Gwaith a Phensiynau.

Cyn weinidog yn y Swyddfa Gartre Charles Clarke ydy'r unig ddyn newydd yn y cabinet, Gweinidog heb bortffolio a Chadeirydd y Blaid Lafur.

Mae Mr Blair wedi gadael Stryd Downing Street am Chequers a does dim disgwyl iddo gyhoeddi apwyntiadau y tu allan i'r cabinet, y gweinidogion, tan ar ôl y penwythnos.

Mae disgwyl i weld a fydd Keith Vaz, Gweinidog Ewrop yn cadw ei swydd a'i peidio.