Datblygu safle hen waith dur

Mi gaeodd gwaith dur Brymbo ddeng mlynedd yn ōl

Mae cynghorwyr Wrecsam yn trafod cynlluniau ar gyfer hen safle gwaith dur Brymbo.

Fis Rhagfyr mi glywodd y cyngor y byddai'n derbyn £8.5m ar gyfer y cynllun fyddai'n creu hyd at 1,000 o swyddi yn y tymor hir.

Wedi 200 mlynedd o gynhyrchu haearn a dur ar y safle mae angen clirio'r holl lygredd.

Clirio rwbel

Mi fydd dwy filiwn o fetrau ciwbig o rwbel yn cael eu symud er mwyn gwneud lle i unedau busnes a 300 o dai.

Ddydd Llun mae cynghorwyr yn derbyn adroddiad fod cwmni Brymbo Developments yn adfer a datblygu rhannau o'r safle sydd eisoes wedi derbyn caniatād cynllunio.

Mi fydd y cyngor yn diogelu'r safle ac yn adfer yr adeiladau hanesyddol sydd yno.

Mae swyddogion y cyngor yn argymell y dylai'r cynghorwyr gymeradwyo mān newidiadau i'r caniatād gwreiddiol a roddwyd yn 1997 cyn y cyhoeddiad fod arian ar gael.

Mi fydd y cyngor yn sefydlu pwyllgor cyswllt ā'r gymuned leol.