Page last updated at 14:36 GMT, Tuesday, 2 October 2012 15:36 UK

Datganiad ar y gyllideb ddrafft

Cyhuddodd y Ceidwadwyr y llywodraeth o "fethu â chyflawni ei haddewidion" wedi i'r gweinidog cyllid gyhoeddi manylion cylldeb 2013-14 ar 2 Hydref 2012.

Gofynodd llefarydd cyllid y blaid Paul Davies AC a oedd y Gweinidog Cyllid Jane Hutt wedi ei siomi gyda'r methiant, gan fod cyllideb y llynedd hefyd "ar gyfer twf a swyddi".

Dywedodd nad oedd cyd-weithio rhwng adrannau'r llywodraeth.

"Dydy'r llaw dde ddim yn gwybod beth mae'r llaw chwith yn ei wneud" meddai gan gyfeirio at daliadau o £12 miliwn ychwanegol i'r byrddau iechyd, er bod y llywodraeth wedi dweud na fyddai arian pellach ar gael iddyn nhw.

Dywedodd Ms Hutt mai "cam-weinyddu" gan lywodraeth Prydain oedd yn gyfrifol am doriadau i gyllideb Cymru.

Ychwanegodd bod mwy o wariant y pen ar y gwasanaeth iechyd yng Nghymru o gymharu â Lloegr.

Cyhoeddodd y gweinidog £175 miliwn yn ychwanegol o fuddsoddiad cyfalaf yn ystod y ddwy flynedd nesaf i gefnogi prosiectau sy'n bwysig yn strategol ledled Cymru, gan honi y byddai hynny'n creu neu'n cefnogi hyd at 3,000 o swyddi, ac yn creu dros 800 o dai fforddiadwy.

Ond yn ôl Ieuan Wyn Jones AC, llefarydd Plaid Cymru ar gyllid, "y gwir yw na fydd cyfran helaeth o'r arian hwnnw'n cael ei wario tan 2014/2015".

"Rydym ni am weld gwariant cyfalaf nawr," meddai.

"Mae pobl ifanc yn ddi-waith rwan.

"Mae gan y llywodraeth ddyletswydd i daclo hynny."

Croesawodd Peter Black AC y £4.7m tuag at y grant amddifadedd disgyblion, elfen allweddol o gyllideb y llynedd, arweiniodd at gefnogaeth y Democratiaid Rhyddfrydol o gyllideb y Llywodraeth, a phasio'r gyllideb honno .

Fodd bynnag, dywedodd Mr Black bod angen "llawer mwy" o arian tuag at y grant.

SEE ALSO

Story Tools

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.

Americas Africa Europe Middle East South Asia Asia Pacific