Page last updated at 14:38 GMT, Wednesday, 24 November 2010

Cwestiynau iechyd

Sicrhaodd y Gweinidog Iechyd a Gwasanaethau Cymdeithasol Edwina Hart AC y byddai gwasanaethau rheng flaen yn cael eu hamddiffyn er gwaethaf gostyngiad arfaethedig yn y gyllideb iechyd dros y blynyddoedd nesaf.

Fe wnaeth Ms Hart y cyhoeddiad yn ystod sesiwn cwestiynau ar ei hadran weinidogol ar 24 Tachwedd 2010.

Cyhoeddwyd ar 17 Tachwedd 2010 y bydd cyllideb iechyd llywodraeth y cynulliad yn cael ei dorri gan 7.6%.

Mewn ymateb i gwestiwn gan lefarydd iechyd Plaid Cymru Helen Mary Jones AC, sicrhaodd y gweinidog y byddai'r ddeddfwriaeth iechyd meddwl arfaethedig yn cael ei gyflwyno'n effeithiol er gwaethaf yr amgylchiadau economaidd anodd.

Ychwanegodd ei bod hi wedi sicrhau gwariant ar wasanaethau iechyd meddwl a bydd popeth yn cael ei wneud i wireddu'r ddeddfwriaeth.

Cododd y Ceidwadwr Jonathan Morgan AC bryderon am y 250 tunnell o feddyginiaethau sy'n cael eu gwastraffu bob blwyddyn yng Nghymru am gost o bron i £50 miliwn.

Byddai adolygiad o'r berthynas rhwng meddyg teulu a chleifion yn mynd gam o'r ffordd tuag at mynd i'r afael â'r mater, yn ôl y gweinidog.

Bu'r gweinidog hefyd yn ateb cwestiynau ar amrywiaeth o faterion, gan gynnwys amseroedd aros yn Ysbyty Athrofaol Cymru, darparu gwasanaethau deintyddol a thystiolaeth bod diweithdra yn effeithio ar iechyd.

SEE ALSO

Story Tools

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.

Americas Africa Europe Middle East South Asia Asia Pacific