Datganiad ar y strategaeth addysg Gymraeg

Fe wnaeth y Gweinidog Addysg Leighton Andrews ddatganiad ar strategaeth addysg cyfrwng Cymraeg y llywodraeth ar 20 Ebrill 2010.

Fe gyhoeddwyd strategaeth y llywodraeth i ddatblygu addysg drwy gyfrwng y Gymraeg ym mis Mai 2009.

Yn ôl y llywodraeth, mae'r ddarpariaeth bresennol yn "dameidiog ac anghyson".

O dan y strategaeth fe fydd disgwyl i gynghorau ymchwilio'n fanwl i'r galw am addysg Gymraeg ymhlith rhieni.

Yna fe fydd rhaid i gynghorau gynllunio'n fanwl ar sail y wybodaeth honno er mwyn dangos eu bod nhw'n gallu darparu digon o lefydd priodol i blant.

Mae'r strategaeth yn gosod cyfres o dargedau:

• 25% o blant saith oed i gael addysg Gymraeg
• nifer o blant sy'n sefyll arholiadau TGAU drwy'r Gymraeg yn codi i 13%
• cynnydd mewn staff ac athrawon cymwys i ddysgu trwy gyfrwng y Gymraeg
• gwella darpariaeth Gymraeg mewn colegau
• darparu mwy o gyfleon i bobl ifanc a theuluoedd i siarad Cymraeg y tu allan i'r ysgol.