Sgrùdadh an t-seanail Ghàidhlig

Thathar an dùil gun tèid an t-seirbheis beò an ath-bhliadhna

Thòisich sgrùdadh deireannach air a' phlana airson na seirbheis telebhisein didseataich Ghàidhlig.

Thèid an t-seirbheis ùr a ruith mar chom-pàirteachas eadar BBC Alba agus Seirbheis nam Meadhanan Gàidhlig.

Thòisich Urras a' BhBC deuchainn air luach phoblach a' phlana, agus tha an riaghaladair neo-eisimealach Ofcom a' sgrùdadh luach margaideach na seirbheis.

Thathar an dòchas gun tèid an t-seirbheis beò tràth an ath-bhliadhna.

Thuirt àrd-oifigear Chomann na Gàidhlig, Eardsaidh Mac 'Ill-Eathainn gur dòcha gun tòisich an t-seanail le dhà no trì uairean a thìde de phrògraman san là, a dheigheadh a leudachadh.

A' bruidhinn aig coinneamh naidheachd, thuirt Urrasair a' BhBC airson Alba, Jeremy Peat, nach eil barrantas sam bith ann aig an ìre seo gun tèid an t-seanail air adhart.

Thig fios air co-dhùnaidhean an sgrùdaidh air an 19mh den Dùbhlachd am bliadhna.