Mae cwmni arall o China wedi sefydlu ffatri esgidiau yn Sir Benfro gan greu 150 o swyddi.

Dyma'r ail fuddsoddiad cynhyrchu gan Chinay tu allan i'w ffiniau - ac mae'r ddau yn Sir Benfro.

Sefydlwyd y ffatri gyntaf - Leaveland Shoes - yn Noc Penfro ychydig dros flwyddyn yn ôl ac mae'n cyflogi 150 o bobl.

Mae'r ail gwmni'n sefydlu yn Aberdaugleddau.

Cyflogau

Er bod cyflogau'n llawer is yn China - mae sefydlu yng Nghymru yn eu galluogi i fanteisio ar farchnadoedd Ewropeaidd.

Cefnogwyd y buddsoddiad cyntaf gan y Swyddfa Gymreig - y Cynulliad Cenedlaethol erbyn hyn - dan Gynllun Cefnogaeth Rhanbarthol.

Ar y pryd, dywedodd Alun Michael fod yn rhaid cyfuno twristiaeth, sydd yn rhan bwysig o economi Penfro, gyda gweithgaredd masnachol ehangach.

Gobeithiai hefyd y byddai penderfyniad Leaveland yn arwain at gydweithio llwyddiannus pellach fel y byddai nifer o gwmnïau eraill yn symud i'r ardal.