Datblygiadau dramatig ym myd y celfyddydau

Bu farw RS Thomas ym Medi yn 87

Gan Ohebydd Celfyddydau BBC Cymru Jon Gower

Roedd hon yn flwyddyn pan oedd datblygiadau dramatig ym myd y celfyddydau.

Daeth Cyngor y Celfyddydau o dan chwyddwydr y Cynulliad a daeth gwendidau mawr yn amlwg.

Ymddiswyddodd y prif weithredwr Joanna Weston wedi i'r mudiad gael ei feirniadu'n hallt.

Ac roedd Canolfan y Mileniwm y y newyddion pan ddatgelwyd fod amcangyfri costau adeladu'n fwy na £100m.

Llwyddiant ysgubol: Gwyl Bryn Terfel yn y Faenol

Y gwanwyn nesa bydd pawb yn gwybod a fydd cynnlluniau newydd a llai o gostau'n golygu fod Prif Weinidog y Cynulliad, Rhodri Morgan, yn ei ganiatau neu beidio.

Daeth saga Canolfan y Celfyddydau Gweledol yng Nghaerdydd i ben yn 2000.

Flwyddyn wedi iddi agor, caeodd ei drysau ar 5 Tachwedd.

Serch hynny, roedd arwyddion fod ffuglen yn symud i'r cyfeiriad iawn.

Ymateb positif

Cafodd tri llyfr ymateb positif oddi wrth y cyhoedd a'r beirniaid.

Yn 'The Chivalry of Crime' llwyddodd Desmond Barry o Ferthyr i ysgrifennu nofel gyffrous am fywyd anodd Jesse James.

Roedd Trezza Azzopardi ar restr fer Gwobr Booker a Gwobr Ffuglen Gynta'r Guardian ac roedd ei nofel 'The Hiding Place' yn darlunio bywyd mewnfudwyr o Ynys Melita yn Nociau Caerdydd yn y pumdegau.

Ac yn ôl rhai, llyfr y flwyddyn oedd Niall Griffiths' 'Grits', portread sensitif o sut mae pobol sy'n cymryd cyffuriau'n ceisio cadw eu hunan-barch.

Cau drysau: Canolfan y Celfyddydau Gweledol

A'r uchafbwyntiau ym myd perfformio oedd gwyl 'Restless Gravity' oedd yn cynnwys rhai o brif actorion y byd.

Ac yng Nghaerdydd canodd David Gray, a gafodd ei godi yn Solfach, dyn oedd yn gyfrifol am yr albwm llwyddiannus, 'White Ladder.

Yn y Gogledd roedd gwyl Bryn Terfel yn y Faenol yn llwyddiant ysgubol.

Yn 2000 bu farw un o gewri llenyddiaeth Saesneg.

Roedd R.S. Thomas yn 87.

Roedd yn fardd heb ei ail ac yn un o'r beirdd crefyddol gorau yn llenyddiaeth Saesneg.

Mewn iaith rymus a chynnil ymchwiliodd i Dduw, dathlodd natur, gwawdiodd dechnoleg a galarodd yr elfennau gwerthfawrhynny ym mywyd Cymru oedd wedi diflannu.